Хөдөлмөр, нийгмийн хамгааллын яамны захиргааны статистикийн мэдээллээр аймаг, нийслэлийн хөдөлмөр эрхлэлтийн байгууллагад ажил хайж бүртгүүлсэн иргэдийн тоо 2021 оны 1 дүгээр сарын эцсийн байдлаар 26 мянга болжээ.
Үүнээс
Бүртгэлтэй ажилгүй иргэдийн 8.6 (52.1%) мянга нь эмэгтэйчүүд байна.
Бүх нийтийн бэлэн байдлын зэрэгт шилжсэн үед Хөдөлмөр, халамжийн үйлчилгээний ерөнхий газрын харьяа нэгжүүд хэвийн ажиллаж байна. Гэвч хөл хорионы дэглэмээс шалтгаалж аж ахуйн нэгжүүдийн үйл ажиллагаа алдагдах, мөн ихэнх иргэд биечлэн очиж үйлчлүүлэх боломжгүй зэргээс ажил хайгч иргэдийн тоо буурсаар байна.
Нийт бүртгэлтэй ажилгүй иргэд өмнөх оны мөн үеэс 4.1 (20.1%) мянган хүн, өмнөх сараас 1.6 (9.0%) мянган хүнээр буурчээ.
Аймаг, нийслэлийн хөдөлмөр эрхлэлтийн байгууллагад 2021 оны 1 дүгээр сард ажилгүй 4.5 мянган иргэн шинээр бүртгүүлж, бүртгэлтэй байсан 0.7 мянган иргэн ажилд зуучлагдан орж, 5.4 мянган иргэн ажил идэвхтэй хайхгүй байгаа шалтгаанаар бүртгэлээс хасагдсан байна.
Үүнээс Улаанбаатар хотод 2021 оны 1 дүгээр сард нийт 766 иргэн нийслэл, дүүргийн хөдөлмөр эрхлэлтийн байгууллагад шинээр бүртгүүлж, бүртгэлтэй байсан 129 иргэн ажилд зуучлагдан орсон байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.