Засгийн газрын ээлжит хуралдаан 2021 оны 02 дугаар сарын 17-ны өдөр болж. Цар тахлын эсрэг ажиллаж байгаа байгууллагаас бусад улсын болон орон нутгийн өмчит, өмчийн оролцоотой бүх байгууллага, аж ахуйн нэгжийг он дуустал хэмнэлтийн горимд шилжүүлсэн тухай мэдээлсэн.
Тэгвэл Өмнөговь аймгийн ИТХ-ын дарга Б.Бадраа 257,000,000 төгрөгийн өртөг бүхий “LEXUS 570” загварын автомашиныг улсын төсвийн хөрөнгөөр худалдан авах тендер зарлажээ.
Техникийн нөхцөлийг: "2017 он ба түүнээс дээш бол давуу тал","орж ирсэн 2017 он" гэж тодорхой заасан нь эзэнтэй тендер байж болзошгүй гэсэн хардлага төрүүлж байна. Өрсөлдөөний тухай хуулийн 13.2.3-д "тухайн зах зээлд өрсөлдөгч гарч ирэхийг хориглосон буюу хязгаарласан, эсхүл түүнийг зах зээлээс шахан гаргахад чиглэсэн", 13.2.7-д "Аль нэг аж ахуй эрхлэгчид давуу байдал олгоход чиглэсэн" зэрэг зүйл заалтыг зөрчсөн үйлдэл болжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.