Булган аймгийн Засаг дарга Б.Ариун-Эрдэнэ 210,300,000 төгрөгийн “LAND CRUISER 200” автомашиныг албан хэрэгцээндээ унахаар худалдан авах ТЕНДЕР зарлажээ

Засгийн газрын ээлжит хуралдаан 2021 оны 02 дугаар сарын 17-ны өдөр болж. Цар тахлын эсрэг ажиллаж байгаа байгууллагаас бусад улсын болон орон нутгийн өмчит, өмчийн оролцоотой бүх байгууллага, аж ахуйн нэгжийг он дуустал хэмнэлтийн горимд шилжүүлсэн тухай мэдээлсэн билээ. /ЭНД дарж тухайн мэдээг үзнэ үү./

Тэгвэл Булган аймгийн шинэ Засаг дарга Б.Ариун-Эрдэнэ 210,300,000 төгрөгийн өртөг бүхий “LAND CRUISER 200” LC200 GXR-V6 LEATHER загвартай дүйцэхүйц автомашиныг улсын төсвийн хөрөнгөөр худалдан авах тендер зарлажээ.

Автомашины марк дээр “LAND CRUISER 200” LC200 GXR-V6 LEATHER загвартай хэмээн брендийн нэр заасан нь өрсөлдөөний тухай хуулийг зөрчжээ.

Өрсөлдөөний тухай хуулийн 13.2.3-д "тухайн зах зээлд өрсөлдөгч гарч ирэхийг хориглосон буюу хязгаарласан, эсхүл түүнийг зах зээлээс шахан гаргахад чиглэсэн", 13.2.7-д "Аль нэг аж ахуй эрхлэгчид давуу байдал олгоход чиглэсэн" зэрэг зүйл заалтыг зөрчсөн үйлдэл болжээ.

Аймгийн удирдлагууд төсвийн мөнгийг хэрхэн зарцуулдаг талаар баримтууд дэлгэгдсээр байгаа билээ. Өмнөх удаад Өмнөговь аймгийн ИТХ-ын дарга Б.Бадраа 257,000,000 төгрөгийн өртөг бүхий “LEXUS 570” загварын автомашиныг улсын төсвийн хөрөнгөөр худалдан авах тендер зарласан талаар мөн мэдээлж байсан билээ.  /ЭНД дарж тухайн мэдээг үзнэ үү./