Төмөр замын тээврээр 2021 оны 1 сард 2.6 сая тонн ачаа тээвэрлэсэн нь өмнөх оны мөн үеэс 180.0 (7.4%) мянган тонноор өсжээ.
Төмөр замын тээврээр тээсэн ачааны өсөлтөд дотоодод тээсэн ачаа 194.8 (23.6%) мянган тонн, импортын ачаа 78.5 (29.7%) мянган тонноор тус тус өссөн нь нөлөөлсөн байна.
Төмөр замын тээврээр тээсэн ачаа 2.6 сая тонн болж, өмнөх сараас 212.0 (8.8%) мянган тонноор өссөн байна.
Төмөр замын тээврээр 2021 оны 1 сард тээсэн нийт ачаанд уул уурхайн бүтээгдэхүүн 92.8 хувь, барилгын материал 3.3 хувь, хүнсний өргөн хэрэглээний бүтээгдэхүүн 1.3 хувь, хөдөө аж ахуйн гаралтай бүтээгдэхүүн 0.5 хувь, хар төмөр 0.3 хувь, мод модон материал 0.2 хувь болон бусад бүтээгдэхүүн 1.7 хувийг эзэлж байна.
Агаарын тээврээр 2021 оны 1 сард 212.0 тонн ачаа тээвэрлэсэн нь өмнөх оны мөн үеэс 240.9 (53.2%) тонноор буурсан байна.
Харин олон улсад тээсэн ачаа 201.0 (94.8%) тонн болж, өмнөх оны мөн үеэс 243.6 (54.8%) тонноор буурчээ.
Агаарын тээврээр тээсэн ачаа өмнөх сараас 133.5 (38.6%) тонноор буурсан байна.
Агаарын тээврээр зорчигчид 2021 оны 1 сард 7.2 мянга (давхардсан тоогоор) болж, өмнөх оны мөн үеэс 108.3 (93.7%) мянган хүнээр буурсан байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.