Дуучин Б.Амархүү хуулийн дагуу хариуцлагаа хүлээж, сар шинийн өмнө суллагджээ. Тэрбээр хар тамхи, мансууруулах бодис хэрэглэсэн гэж шүүхээс хоёр жилийн хорих ялаар шийтгүүлж, хуулийн дагуу ялаа эдлээд гарч иржээ.
Эргэн сануулахад, дуучин Б.Амархүү нь 2019 оны есдүгээр сарын 20-ны шөнө машиндаа хар тамхи хэрэглэж байгаад баригдаж, цагдан хорих 461-р ангид саатуулагдан шалгагдаж байсан. Түүнийг амьдардаг зочид буудлынхаа гадаа өөрийн эзэмшлийн улаан өнгийн "Mersedes Benz" маркийн автомашиндаа хар тамхи хэрэглэж байх үед нь саатуулсан гэх бөгөөд түүний машин болон гэрт нэгжлэг хийж байсан тухай мэдээлэл бий.
Түүнд "Сэтгэцэд нөлөөт бодисыг худалдаалах зорилгогүйгээр хууль бусаар бэлтгэсэн, хадгалсан" гэмт хэрэгт буруутайд тооцож хоёр жилийн хорих ял оноосон. Тэрээр давж заалдан Нийслэлийн Эрүүгийн хэргийн давж заалдах шатны шүүхийн 2019 оны арванхоёрдугаар сарын 17-ны өдрийн хуралдаанаар анхан шатны шүүхээс түүнд оноосон хоёр жилийн ялыг хүчингүй болгосон юм.
Харин Нийслэлийн прокурорын газраас давж заалдах шатны шүүхэд эсэргүүцэл бичсэнээр Улсын дээд шүүхээс анхан шатны шүүхийг шийдвэрийг хүчинтэй хэвээр үлдээснээр тэрээр хоёр жилийн хорих ялыг эдлээд ийнхүү суллагдсан ажээ.
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.