Хөдөлмөр нийгмийн хамгааллын сайдаар ажиллаж байхдаа эрх мэдэл, албан тушаалын байдлаа урвуулан ашигласан, худал мэдүүлэг өгсөн гэх үндэслэлээр шүүж, улсад 3,9 тэрбум төгрөгийн хохирол учруулсан гэж яллагдагчаар татаж, анхан шатны шүүхээс 5,5 жилийн хорих ял оноосон. Гэвч улсын дээд шүүхээс Н.Номтойбаярт нийтийн албанд томилогдох эрхийг хоёр жилийн хугацаагаар хасч, нэг жил хорих ял болгон бууруулж, шийдвэрлэсэн.
МАН-ын Хяналтын ерөнхий хорооноос УИХ-ын гишүүн асан Н.Номтойбаярыг 2020 оны нэгдүгээр сарын 29-нд намаас гарсанд тооцох шийдвэрийг гаргасан байдаг. Улмаар УИХ-ын Улсын ерөнхий прокуророос бүрэн эрхийг нь түдгэлзүүлэх хүсэлтийг УИХ-д өгсний дагуу өнгөрсөн оны нэгдүгээр сарын 30-ны өдөр чуулганы нэгдсэн хуралдаанаар хэлэлцэн түдгэлзүүлсэн юм.
Тухайн үед УИХ-ын гишүүд нууц санал хураалтаар түдгэлзүүлье гэж дэмжсэн ч, тогтоол батлах ил санал хураалтад дэмжихгүй гэснээр хууль эрх ойлгомжгүй байдал үүссэн. Тиймээс МАН-ын бүлэг завсарлага авч, дахин ярилцах болсон ч УИХ-ын гишүүн Н.Номтойбаяр өөрөө "гишүүнээс чөлөөлөгдөх хүсэлтээ өгч" парламентаас явж, 2020 оны сонгуульд бие даан нэр дэвшсэн юм.
Түүнийг сонгуулийн компанит ажлынх үеэр цагдан хорьсноор тэрээр шоронгоос нэр дэвшигч болон хувирч байв. Тэрээр ямбыг нь ч эдэлж, ялыг нь ч үүрч, Монголын төрд шинэ жишиг тогтоолоо гэх хүмүүс ч байна.
Ямартаа ч өнөөдөр суллагдаж өөрийн твиттер хуудастаа "Та бүгд сайн байна уу? "Улс төрийн хөл хорио"-нд 307, ажилласны шагналд +57 хоног авч хилс ялыг шоронд дуусгав. Надад итгэсэнд БАЯРЛАЛАА. Таны зөв гэдгийг би удахгүй батлана. Би Та бүгдийн адил сураггүй болсон шудрага ёс, шуналгүй, өсгүй, ёс зүйт улстөрөөр маш их цангаж байна." хэмээн жиргэж эхэллээ.
Өнгөрсөн Даваа гарагт МАН-ын удирдах түвшний улстөрчид цуглаж, ууж идэх үеэрээ Н.Номтойбаярыг шоронгоос гармагц замд нь тосч уулзан, хадаг тавьж урих ажиллагааг ярилцсан ажээ. Уулзалтын үеэр нэр бүхий улстөрчид Н.Номтойбаяраас болж муудалцан заамдалцсан сурагтай. Д.Сумъяабазар гэр бүлийнхэнд нь хотоос гарч, хүүхдээ авчрах зөвшөөрлийг нь маш шуурхай олгожээ.
Тодруулж хэдэхэд, Н.Номтойбаяр нь МАГАДЛАНД ороогүй бөгөөд, зөвхөн ажлын 57 хоног хасуулж, оноосон ялыг биеэр "БҮТЭН" эдэлсэн болно.
Сэтгэгдэл6
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.