Л.Энх-Амгалан: 12 дугаар ангийн хүүхдүүд IELTS, TOEFL-н шалгалт өгөх нөхцөлийг бүрдүүлнэ

БШУ-ы сайд Л.Энх-Амгалан хувьсах зардал болон сургалтын төлбөрийн асуудлаар хэвлэлийн хурал хийж байна.

1. Боловсролын байгууллагын хичээлийг тодорхой хугацаагаар Теле, цахим хэлбэрт шилжүүлэх арга хэмжээг зохион байгуулах, сургалтын болон дотуур байрны төлбөрийг хөнгөлөх, дараагийн төлбөрт шилжүүлэх журам батлах
    
2. Хичээлийн хоцрогдлын асуудлаар анхаарч ажиллах
3. Хичээлийг танхимаар зохион байгуулсан тохиолдолд сургалтын чанарыг алдагдуулахгүй байхаар Засгийн газраас үүрэг чиглэл өгсний дагуу БШУЯ ажлын хэсэг гарган түр журам гаргаж, биелүүлэн ажиллаж байгаа аж.  

Энэ талаар БШУ-ны сайд Л.Энх-Амгалан "Их дээд сургуулиудын хувьд

• Төлбөрийн уян хатан нөхцөлөөр сар бүрд төлбөрөө авч байх ёстой. Хичээл сонголт баталгаажуулахад урьчдилсан төлбөр шаардахгүй цуцлахгүй байх.
• Анги дэвших  болон төгсөлтийн шалгалт, дипломыг хамгаалалтад оруулах
• Дадлага хийлгэх боломжийг олгох
• Дотуур байрны төлбөрийг нь буцааж олгох, дараагийн төлбөрт шилжүүлэх чиглэлээр журмын хэрэгжилтийг хангаж ажилласан.

Өнөөдөр Монгол Улсад  88 их, дээд сургуульд 147,293 оюутан суралцаж байна.

Мөн улсын хэмжээнд 71 дотуур байранд 11,359 оюутан амьдарч байсан.

Хөнгөлөлтөд хамрагдсан байдлыг харвал:

• Сургалтын төлбөрт шилжүүлсэн - 1,100 оюутан нийт 428.8 сая төгрөг
• Төлбөрөө буцааж авсан - 2,567 оюутан нийт 665.2 сая төгрөг авсан.

Ерөнхий боловсролын сургуулиудтай үндсэн сургалтын төлбөрөөс 5 хувийн хөнгөлөлт үзүүлэх тохиролцоонд хүрсэн. Мөн танхимаар хичээл эхэлсэн тохиолдолд хичээлийн сонголт барьцаалж төлбөрөө бүтнээр нь авахгүй байхаар тохирсон.

Хувийн сургуулиудад жилд 17.9 тэрбум төгрөгийн хувьсах зардал олгодог. Үүнээс 10 саяас дээш төгрөгийн төлбөртэй сургуулиудын зардлыг өгөхгүй. Улсын хэмжээнд 177 хувийн сургуульд 48 мянган хүүхэд сурч байна. Нийт суралцагчдын 80 орчим хувьд нь сургалтын хөнгөлөлт хүрдэг. Төлбөртэй нь харьцуулж харвал нийт сургуулийн 41 хувь нь 1-5 нь хөнгөлөлт авсан.

147 мянган оюутны жилийн сургалтын төлбөр 3 сая төгрөг гэж бодоход жилд 440 тэрбум төгрөгийн зээлийг ар гэр нь авч байна. Давхацсан олон төрлийн хөтөлбөр байна. Өнөөдөр 88 их сургуульд 3300 хөтөлбөр байдгаас магадлан итгэмжлэсэн нь цөөхөн. Сургуулиуд кредитээ шилжүүлж ажиллахаар болсон. Энэ жилийн хувьд сургуулиуд өмнөх шигээ оюутнуудаа авна. Өөрчлөлтөд бэлтгэл хэрэгтэй учраас үе шаттайгаар явна.

Хичээлийн хоцрогдол их байгаа учраас 5, 9, 12 дугаар ангийн хүүхдүүдэд түлхүү анхааран ажиллахаар болсон ба танхимаар давтлага хийхээр болсон. Мөн 12 дугаар ангийн хүүхдүүд IELTS, TOEFL-н шалгалт өгөх нөхцөлийг бүрдүүлнэ" гэв.