Олборлолтын хэмжээ, үнийн өсөлтөөс үүдэн Turquoise Hill компанийн ашиг өслөө

Олборлолтын хэмжээ, үнийн өсөлтөөс үүдэн Turquoise Hill компанийн ашиг өслөө

Лхагва гаригт Канадын уул уурхайн Turquoise Hill Resources компанийн 1-р улирлын ашиг төсөөлснөөс давж гарлаа. Энэ нь Оюутолгой уурхайн алт болон зэсийн олборлолт нэмэгдсэн, уул уурхайн бүтээгдэхүүний үнийн өсөлттэй холбоотой байна.

Гэсэн ч 4В шатны уурхайн шинэчлэл болон ковид-19-тэй холбоотой уурхайд тогтоосон хорио цээрийн дэглэмтэй уялдан компани алт, зэсийн олборлолтоо багасгана. Оюутолгой дэлхийн зэс, мөнгөний томоохон уурхайн нэг юм. Turquoise Hill-н 51%-ийг Риотинто эзэмшдэг, Turquoise Hill Оюутолгой уурхайн 66%-г эзэмшдэг, үлдсэнийг нь Монгол улсын Засгийн газар эзэмшдэг.

Эхний улиралын Turquoise Hill-н зэс олборлолт өнгөрсөн оныхоос 29% өсөж 45,449 тонн, алт олборлолт 461,5% өсөж 145,656 oz (ойролцоогоор 4,1 тонн) болжээ. Компанийн бүтэн жилийн зэсийн олборлолтын анхны төсөөлөл 160,000-180,000 тонн байсныг багасган 150,000-180,000 тонн гэж таамаглаж байна. Харин бүтэн жилийн алт олборлолтын анхны төсөөлөл 500,000-550,000 oz-г багасган 400,000-480,000 oz гэж таамаглаж байна. Гүйцэтгэх захирлын үүрэг гүйцэтгэгч Стив Тибаулт: "Монгол улсад ихсэж байгаа ковид-19-н тохиолдолтой холбоотой өндөржүүлсэн хамгаалалтын арга хэмжээ 2-р улиралд ил уурхайн ажиллагаа болон далд уурхайн өргөтгөлийн ажилд нөлөөлнө" гэв.

Далд уурхайн өргөтгөлийг хэт өндрөөр санхүүжүүлсэнтэй холбоотой Turquoise Hill болон Рио тинтогийн хоорондын маргааны төвд Оюутолгойн уурхай байдаг. Өнгөрсөн сард тэд санхүүжилтийн асуудал дээр тохиролцоонд хүрсэн.

Turquoise Hill-н эзэмшигчдэд олгох боломжтой цэвэр ашиг өнгөрсөн онд 45,2 сая ам.доллар буюу нэгж хувьцаанд 22 цент ноогдож байсан бол 1-р улиралд 236,7 сая ам.доллар буюу нэгж хувьцаанд 1,18 ам.доллар ногдож өсчээ. Refinitiv IBES-т мэдээлснээр санхүүгийн шинжээчид нэгж хувьцаанд ногдох ашгийг дунджаар 70 цент байна гэж төсөөлж байсан.  

Эх сурвалж: miningweekly.com