Улсын хэмжээнд коронавируст халдварын эсрэг дархлаажуулалт хэвийн үргэлжилж байна.
Өчигдөр буюу 2021 оны тавдугаар сарын 28-ны 19:00 цагийн байдлаар тухайн өдөрт 79,856 хүн коронавируст халдварын эсрэг вакцин хийлгэсэн тухай Эрүүл мэндийн яамнаас мэдээлэв. Тодруулбал,
Нийслэл хотод өчигдөр 500 гаруй хүн коронавируст халдварын эсрэг вакцины I тунг хийлгэв. Ингэснээр дархлаажуулалтын I тунг хийлгэсэн иргэний тоо 946,929 болж, Улаанбаатар хотын 18-аас дээш насны иргэдийн 99.3% нь коронавируст халдварын эсрэг вакцин хийлгэлээ. Түүнчлэн II тунд нийт хугацаанд 694,872 хүнд хамрагдсанаар 70 гаруй хувьтайгаар дархлаажуулалт үргэлжилж байгаа юм.
Харин орон нутгийн 18-аас дээш насны иргэдийн 903,564 нь вакцины эхний тунг хийлгэснээс 412,306 нь давтан тундаа хамрагдлаа.
Улсын хэмжээнд 2,067,000 иргэнийг коронавируст халдварын эсрэг вакцинд хамруулахаар төлөвлөсөн. Одоогоор 1,850,493 иргэн дархлаажуулалтын I тунд, 1,107,178 иргэн II тунд хамрагдаад байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.