Сүүлийн үед цаг агаар дулаарч, гол мөрнүүдийн усны түвшин нэмэгдсээр байна. Гол эргээ халих үеийг үерийн аюултай түвшин гэдэг аж. Хөвсгөлийн уулс болон Хангайн нуруунаас усжих Дэлгэрмөрөн, Сэлэнгэ, Гуна, Үүр зэрэг томоохон гол мөрний усны түвшин өмнөх өдрөөс 5–15 см-ээр нэмэгджээ.
Дэлгэрмөрөн гол эргээ халин Мөрөн хот орчимд үерийн аюултай түвшинд хүрчээ
Дэлгэрмөрөн, Гуна голууд үерийн түвшинг 25-70 см-ээр даван хүчтэй үерлэж байна. Сэлэнгэ, Үүр, Идэр голын усны түвшин олон жилийн дунджаас 40 – 130 см-ээр ахиу байна.
Иймээс дээрх томоохон гол мөрнүүдийн сав дагуу нутаглаж байгаа ард иргэд, малчид үерийн далан, борооны ус зайлуулах суваг, шуудууг цэвэрлэх, нурсан эрэг дагуу мал бэлчээрлүүлэхгүй, бага насны хүүхдүүдээ тоглуулахгүй байх, байнгын хараа хяналт тавих, баталгаатай зам гүүрээр зорчихыг Хөвсгөл аймгийн Онцгой байдлын газраас онцгойлон анхааруулж байна.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.