Монголын Гадаад хэргийн сайд Монгол улсын иргэдийн вакцинжуулалтад Спутник-V вакцин чухал үүрэг гүйцэтгэж буйг тэмдэглэв
Москва, 6 дугаар сарын 1 (TASS). ОХУ-ын Спутник-V вакцин Монгол улсын иргэдээ вакцинжуулах ажилд тус дэм болж буй тухай Монголын Гадаад хэргийн сайд Батмөнхийн Батцэцэг ОХУ-ын Гадаад хэргийн сайд Сергей Лавровтой Мягмар гаригтт уулзахдаа хэлэв.
“Энэ айлчлал маань цар тахлын хэцүү нөхцөл байдлын үед болж байгаа ч манай хоёр улс хамтын ажиллагаандаа өндөр ач холбогдол өгдгийг харуулж байгаа билээ. Хоёр орны цаашдын байнгын хамтын ажиллагааны хувьд Ковид-19-н эсрэг вакцинжуулалтын ажлын ач холбогдлыг зайлшгүй дурдах ёстой. ОХУ-аас ирүүлсэн 60,000 тун Спутник-V вакцин ард иргэдээ вакцинжуулах бидний ажил их тус болсны тэмдэглэн хэлэх нь зүйтэй юм.” хэмээн Монгол улсын Гадаад хэргийн сайд хэлэв.
Монгол улсын Гадаад хэргийн сайд цааш хэлэхдээ миний айлчлал хоёр орны хооронд дипломат харилцаа үүссэний 100 жилийн ойтой давхцаж байгаад би маш их баяртай байна. Энэ ойд зориулан хамтарсан арга хэмжээ зохион байгуулахаар бид төлөвлөсөн. Талууд энэхүү түүхэн ойд өндөр ач холбогдол өгч байгаа нь хоёр орны харилцаа, стратегийн иж бүрэн түншлэлийг улам илүү хөгжүүлэх, уламжлалт харилцаагаа залуу хойч үедээ өвлүүлэн үлдээхэд маш чухал ач холбогдолтой юм гэлээ.
ОХУ-ын Шууд хөрөнгө оруулалтын сангаас Спутник-V вакциныг Монгол улсад онцгой байдлын үед ашиглах зөвшөөрөл олгох журмын дагуу олгосон тухай хоёрдугаар сарын 9-ний өдөр мэдэгдсэн.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.