Улсын хэмжээнд сүүлийн 24 цагт коронавируст халдварын 1,249 тохиолдол шинээр батлаглсан. Үүний 504 нь Улаанбаатар хотод бүртгэгдсэн бол 745 нь орон нутагт бүртгэгдсэн байна.
Ингэснээр өнөөдрийн байдлаар улсын хэмжээнд бүртгэгдсэн нийт тохиолдлын тоо 157,974 боллоо.
Шинээр илэрсэн тохиолдлууд бүгд дотоодод халдварласан бөгөөд иргэдийн амралт зугаалга ихэссэнээс орон нутагт бүртгэгдэх халдварын тоо огцом нэмэгдэж байгааг мэргэжлийн байгууллагуудаас анхааруулж байна.
Өнгөрсөн 24 цагийн байдлаар 2,014 иргэн эдгэрч тусгаарлалтаас гарсан бол халдварын улмаас эндсэн хүний тоо 8-аар нэмэгдэж 782 болсон харамсалтай мэдээллийг эрүүл мэндийн яамнаас өгч байна.
Өнөөдрийн байдлаар коронавируст халдварын улмаас улсын хэмжээнд 10,657 иргэн эмнэлэгт хэвтэн эмчлүүлж байна. Үүнээс 2332 нь хүүхэд, 175 жирэмсэн эмэгтэйчүүд байна. Мөн 11,706 хүн короновирусын хөнгөн халдвар авч Өрхийн эмчийн хяналт дор гэрээр эмчлүүлж байгаа.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.