Танхимын сургалт нээхийг Засгийн газар, Улсын онцгой комиссоос эцэслэн шийдээгүй байна. Ковидын шалтгаанаар зайны сургалт явуулж байгаа ч чанар хүртээмжийн хувьд танхимын сургалттай харьцуулшгүй байгаа нь өнгөрсөн хугацаанд тодорхой болсон. Тиймээс танхимын сургалтыг эхлүүлэх зайлшгүй шаардлагатай тулгараад байгаа билээ.
Энэ талаар Бага, дунд боловсролын газрын дарга Т.Ням-Очир хэлэхдээ: Цахим хичээл үргэлжилсэн 2 жилийн хугацаанд сурагчид хичээлийн хоцрогдолд орсон. Түүнийг хэрхэн нөхөх талаар салбарын яам цогц төлөвлөгөөг боловсруулаад ажиллаж байна. Энэ 9 дүгээр сараас танхимын сургалтыг эхлүүлэх бэлтгэл хангаж байгаа ч эцсийн шийдвэрийг Засгийн газар, УОК шийдвэрлэнэ.
Гэхдээ сурагчдыг аль болох танхимын сургалтад хамруулахыг зорино. Халдварын тархалтын байдлаас шалтгаалан танхимын болон зайны хосолсон сургалт явах боломжтойгоор хичээлийг эхлүүлнэ. Нэг анги бүлэг 5 хоног танхимаар 7 хоног зайнаас хичээллэх хувилбарыг хайж байна.
Сүүлийн хоёр жил нэгдүгээр ангийнхны элсэлтийг наймдугаар сараас цахимаар бүртгэх боломжийг эрэлхийлж байна. Энэ жил 81 мянган хүүхэд нэгдүгээр ангид элсэх урьдчилсан тооцоо бий гэлээ.
Эх сурвалж: News.mn
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.