Өнөөдөр барилга хот байгуулалтын яамнаас Хөшигтийн хөндийн дагуул хот байгуулалтын талаар мэдээлэл хийлээ. Хөшигтийн хөндийд олон улсын нисэх онгоцны буудал байгуулагдсантай холбоотойгоор 34 мянган айлын сууршил байгуулах ерөнхий төлөвлөгөө батлагдсан байсан. Мөн тухайн бүсээс 10-15 км-ын зайд Майдар эко сити, Шинэ зуун хотуудын ерөнхий төлөвлөгөөнүүд батлагдсан. Эдгээр 3 ерөнхий төлөвлөгөөг нэгтгэж Хөшигтийн хөндий бүсэд нэг төлөвлөлт хийхээр болсныг Барилгын хөгжлийн төвийн дэд захирал О.Одбаяр мэдээллээ.
Тэрээр: “Шинэ зуун мол хотыг дайруулж Богдхаан төмөр зам, AH-3 Ази-Европыг холбосон олон улсын хурдны зам тавигдаж тээвэр ложистикийн томоохон төв болно. Мөн орчин үеийн худалдаа үйлчилгээ, томоохон аж үйлвэрлэлийн паркуудыг байгуулж 150 мянган хүн амтай дагуул хот байгуулахаар төлөвлөж байна.
Түүнчлэн Чингис хаан нисэх буудлыг түшиглэсэн олон улсын аялал жуулчлалын бүс байгуулна. Сэргэлэн сумыг дагуул хотуудыг хүнс, хөдөө аж ахуйн бүтээгдэхүүнээр хангах чиглэлд хөгжүүлнэ. Бүтээн байгуулалтад нийт 50 орчим мянган га газарт хийхээр төлөвлөж байгаа. Түүнээс 19 мянган га газрыг улсын тусгай хэрэгцээнд авах шаардлага үүсэж байна. Бид 10 дугаар сардаа багтаан дээрх ерөнхий төлөвлөгөөг Засгийн газраар батлуулна” гэлээ.
Дүрсний эх сурвалж: Sonin.mn
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.