Сүхбаатар дүүргийн нутаг "Сонгдо" эмнэлгийн гаднаас энэ сарын 18-нд асаалттай суудлын автомашинд сууж байсан 10 настай хүүхдийг ачилтын компанийн жолооч, техникийн ажилтан шалгалгүй шууд ачсан гомдол цагдаагийн байгууллагад ирсэний дагуу шалгалтын ажиллагаа хийгдэж байна.
Ачиж зөөвөрлөх журмын дагуу тухайн тээврийн хэрэгсэлд хүн болон амьтан байгаа бол зөөвөрлөхийг хориглоно гэж заасан. Энэ заалтыг зөрчиж түр саатуулах хашаанд байрлуулсан. Иймд цагдаагийн байгууллагаас шалгалж, тухайн ачилтын компанийн үйл ажиллагааг зогсоох саналыг нийслэлийн Авто замын хөгжлийн газарт хүргүүлсэн хэмээн мэдэгдлээ.
Тээврийн хэрэгслийг ачиж зөөвөрлөх үйл ажиллагаатай холбоотой гомдол мэдээлэл тээврийн цагдаагийн албанд бүртгэгддэг. Иргэдийн зүгээс дийлэнх нь автомашиныг нь зогсоолд байхад нь ачсан, түр байрлуулах хооронд журамласан зэрэг гомдол гаргадаг. Хамгийн гол нь бусдын хөдөлгөөнд саад учруулсан тохиолдол ч байгаа. Ийм зөрчил гаргасан бол ачилтын компанийн ажилтнууд дөрвөн талаас нь зураг авч, цагдаагийн байгууллагад мэдээлэх ёстой. Мөн автомашиныг ачихаас өмнө гурван удаа чанга дуугарагчаар мэдээлэх үүрэгтэй байдаг байна.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.