Сонгинохайрхан дүүрэгт “15 настай хүүхэд амиа хорлох гэж байна” гэх дуудлага цагдаагийн байгууллагын 102 дугаарын утсанд өчигдөр оройн 19:23 цагт иржээ. Уг дуудлагын дагуу СХД-ийн цагдаагийн зургадугаар хэлтсийн Ачит-115 чиглэлийн алба хаагчид хэргийн газарт очиж тухайн хүүхэдтэй ярилцаж амь насыг нь эрстэхээс аварч, байшингийн дээвэр дээрээс аюулгүй буулгасан байна.
Цагдаагийн алба хаагчид хэргийн талаар тодруулахаар дүүрэг дэх цагдаагийн хэлтсээс уг асуудлын шалтгаан нөхцөлийг тогтоохоор шалгалтын ажиллагааг үргэлжлүүлэн явуулж байгаа бөгөөд хүүхдийг Хүүхэд хамгааллын байгууллагад хүргэж, мэргэжлийн эмч, сэтгэл зүйч, нийгмийн ажилтантай хамтран ажиллаж байгаа гэж цагдаагийн байгууллагаас мэдээллээ.
Зөвлөмж: Эцэг эх, асран хамгаалагчид өсвөр насны хүүхдүүддээ тавих хараа хяналтаа сайжруулж, тэдэнтэй байнга ярилцах замаар тулгарч буй асуудал, бэрхээлийг нь хамтдаа шийдвэрлэж, сэтгэл зүйд нь анхаарахыг зөвлөж байна. Учир нь, шилжилтийн насанд сэтгэл зүйн байдал маш тогтворгүй байдаг тул аль болох ярилцаж, хамтдаа асуудлыг шийдвэрлэхийг сэтгэлзүйчид зөвлөдөг.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.