Дотоодын цэргийн 05 дугаар ангийн цэрэг амиа алдсан хэргийн талаар Дотоодын цэргийн штабаас мэдээлэл өглөө.
Дотоодын цэргийн штабын дарга, хурандаа Р.Чингис: "Дотоодын цэрэгт алба хааж байсан байлдагч нас барсан харамсалтай хэрэг гарсан. Ар гэр, төрөл төрөгсдөд нь эмгэнэл илэрхийлье. Энэ сарын 15-ны өдөр тангараг өргөх ёслолын үеэр ар гэрийнхэн нь тухайн байлдагчийг эргэсэн. Үүний дараа энэ харамсалтай хэрэг гарсан. Байлдагчийн гэр бүлийнхэн зургаадугаар сарын 17-ны өдөр надтай уулзсан. Бид бүх талын туслалцаа, дэмжлэг үзүүлж байгаа. Мөн мөрдөн байцаах ажиллагаа тэр даруй эхэлсэн" гэв.
ЦЕГ-ын газрын дотоод хяналт, аюулгүй байдлын газрын дарга, Цагдаагийн хурандаа Д.Манлайбаатар: "Харамсалтай хэрэг гарсны дараа дотоод хяналт, аюулгүй байдлын газрын алба хаагчид арга хэмжээ авч хэрэгжүүлсэн. Албан шалгалт одоо ч дуусаагүй байна. Тухайн байлдагч цэрэг татлагаар ирснээсээ хойш дүрэм журмын дагуу албан харилцаанд орсон эсэхийг болон дарамт, шахалтад орсон үгүйг шалгаж байна. Цэргийн байранд байгаа камерийн бичлэгүүдийн нарийвчилж шалгаж байна" гэлээ.
Дотоодын цэргийн 05 дугаар ангийн захирагч, хурандаа Ж.Мөнхсолонго: "Дотоодын цэргийн 05 дугаар ангид цэргийн алба хааж байсан иргэн нас барсан эмгэнэлтэй хэрэг гарсан. Тангараг өргөх ёслолын ажиллагаа зохион байгуулагдсан оройноос эхлээд тухайн цэргийн биеийн байдалд өөрчлөлт орсон. Тиймээс ангийн эрүүл мэндийн төвд үзүүлж, тусламж, үйлчилгээ авсан. Зургаадугаар сарын 16-ны өдөр мөн дахин эмнэлэгт үзүүлсэн. Улмаар зургаадугаар сарын 16-ны орой артерийн даралтын үйл ажиллагаа доголдсон учир түргэн тусламж дуудаж, төрийн тусгай хамгаалалттай эмнэлэгт хүргүүлсэн. Гэмч эмчлэгдэх явцдаа нас барсан харамсалтай хэрэг гарсан. Бид зургаадугаар сарын 17-ны өдрөөс ар гэрийнхэнтэй нь холбоотой байгаа. Монгол цэргийн дүрмийн дагуу оршуулах ёслолыг өнөөдөр 05:45 цагт зохион байгууллаа. Манай анги байгууллагад офицер, ахлагч, хугацаат цэргийн алба хаагчдын дунд цэргийн дүрмийн бус харилцаа байгаагүйг батлан хэлье" гэв.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.