Т.Сайнжаргал бусдын ажлын хөлсийг өгөх байтугай нэмж зоджээ

Зүүнбаян төмөр замын удирдлагын газрын дарга Т.Сайнжаргал "Ширхэнцэг хараа" компанийнхаа нэр дээр 2020 оны 5 дугаар сард Зэвсэгт хүчний бүтээн байгуулалтын газартай гэрээ байгуулсан байдаг. Уг гэрээг 1 сарын хугацаатай, 2.4 тэрбум төгрөгийн дүн бүхий гэрээ хийсэн байсан тухай бид мэдээлж байсан.

Гэвч "Ширхэнцэг хараа" компани нь цаасан дээр л мөртэйгөөс ганц ширхэг хүрз ч үгүй гэж байгаа. Тиймээс төмөр замын бүтээн байгуулалтын өндөр үнийн дүнтэй ажлыг Т.Сайнжаргал хувийн компанидаа авчихсан учраас туслан гүйцэтгэгчээр төмөр замын ажлаа дуусгавар болгуулсан байдаг.

Харамсалтай нь Т.Сайнжаргал төлбөр мөнгөө өгөхгүй "луу унжсан" учраас арга ядсан гүйцэтгэгч нь ажлын байранд нь уулзахаар очиход нь тэрбээр гэрээнд заасан мөнгийг өгөх нь битгий хэл нэмж зодон, хувцас хунарыг нь урж дахин хохироосон байдаг. Хохирогч цагдаагийн байгууллагт хандахад Сүхбаатар дүүргийн Цагдаагийн хэлтсээс тухайн үед буюу 2021 оны 12 дугаар сарын 02-нд Т.Сайнжаргалд Зөрчлийн хуулийн дагуу хариуцлага тооцож, торгуулийн арга хэмжээ авсан байдаг.

Энэ мэтчилэнгээр Зүүнбаян төмөр замын удирдлагын газрын дарга Т.Сайнжаргалын алдаа завхрал цааш үргэлжилнэ..

Эх сурвалж: Erennews.mn