Иргэн Д.Туяа "2018 оны 9 сард Баянхонгор аймгийн Заг суманд "Цэнтрал Эшиа Майнинг" компани уул уурхайн үйл ажиллагаа явуулж эхэлсэн. Тухайн үед орон нутгийн иргэд орон нутгын удирдлагууд хамтарч тухайн компанийн үйл ажиллагааг зогсоон албадан нүүлгэсэн. Үүнээс хойш 5 жилийн хугацаанд сумын Засаг даргыг шүүхэд өгнө гэж дарамталж янз бүрийн арга хэмжээ авсаар өдийг хүрсэн. Тухайн компани саяхан Засаг даргыг Захиргааны хэргийн шүүхэд хариуцагчаар татсан. Мөн сумын ИТХ-ын даргыг 7 тэрбум гаруй төгрөгийг нэхэмжилсэн. Тус компани нь нэрээ сольсон. Худалдаа хөгжлийн банкны Д.Эрдэнэбилэг гэдэг хүний 98 хувь эзэмшдэг компани юм байна лээ.
Тус нутагт орших Эх булгийн рашаан, Боргиотын рашаан, Баянбулаг зэрэг рашаанууд ундарга нь тасрах эрсдэл үүссэн. 2018 онд "Цэнтрал Эшиа Майнинг" компанийг 3200 жилийн өмнөх хүрлийн үеийн хиргисүүрийг ухаж сүйтгэсэн гэх хэргээр Баянхонгор аймгийн цагдаагийн газар болон АТГ-т хандсан боловч арга хэмжээ аваагүй. Таван жил шалгасан ч хариу өгөөгүй. Мөн уг газарт 1700-2500 жилийн өмнөх соёлын үл хөдлөх дурсгал байна. "Цэнтрал Эшиа Майнинг" компанид ажлын тусгай зөвшөөрлийг олгохдоо үүнийг нуусан.
Соёлын өв, усны ундарга, булаг рашаан байгаа учраас Засгийн газар "Цэнтрал эшиа Майнинг" компанийн хайгуулын ажиллагаа явуулахдаа зарцуулсан улсад төлсөн татварыг нь нөхөн хэлбэрээр олгож тусгай зөвшөөрлийг хүчингүй болгож өгөхийг хүсэж байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.