Шүүхээс өмнө нь яллагдагч О.Мөнхжинг Монгол Улсын хилээр гарахыг хязгаарлах таслан сэргийлэх арга хэмжээг 2023 оны хоёрдугаар сарын 14-ны өдрийн шүүх хуралдаанаар хэлэлцэж, тухайн өдрөөс нэг сарын хугацаатай цагдан хорих шийдвэрийг гаргасан.
Эрүүгийн тухай хуулийн 18.19-2.2 дахь хэсэгт зааснаар “Виртуал хөрөнгийн үнэ цэнд нөлөөлөх нийтийн хүртээл болоогүй дотоод мэдээллийг ашиглаж виртуал хөрөнгийн арилжаанд оролцсон, эсхүл дотоод мэдээллийг бусдад дамжуулсан гэмт хэргийг бүлэглэж, албан тушаалаа урвуулан ашиглаж үйлдсэн” гэх үндэслэлээр , хоёрдугаар сарын 14-ний өдөр О.Мөнхжинг яллагдагчаар татаж, цагдан хорьсон юм.
Тус шүүхээс яллагдагч О.Мөнхжинд холбогдох хэргийн ээдрээ төвөгтэй байдал, урьд цагдан хорьсон үндэслэл арилаагүй зэрэг нөхцөл байдлыг харгалзан Эрүүгийн хэрэг хянан шийдвэрлэх тухай хуулийн 14.10 дугаар зүйлийн 2 дахь хэсэгт зааснаар цагдан хорих таслан сэргийлэх арга хэмжээний хугацааг үргэлжлүүлэн 1 сарын хугацаагаар сунгаж шийдвэрлэсэн байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.