Хоёр бамбарууштай хүрэн баавгайг агнасан хэргийг Экологийн цагдаагийн албанаас илрүүлжээ. Энэ талаар бид Экологийн цагдаагийн албаны урьдчилан сэргийлэх хэлтсийн дарга К.Нямдаваагаас тодрууллаа.
Тэрээр" Хэнтий аймгийн Батширээт сумын харьяат иргэн "Б" нь энэ оны дөрөвдүгээр сарын эхээр тус сумын нутаг дэвсгэрээс нас бие гүйцсэн хүрэн баавгайг, хоёр бамбаруушийн хамт агнасан. Улмаар бусдад худалдахаар Баянзүрх дүүргийн 27 дугаар хорооны нутаг дэвсгэрт хадгалж байсныг алба хаагчид шалгалтын ажиллагаагаар илрүүлсэн. Иргэн "Б" нь баавгайг галт зэвсгээр буудаж алсан нь урьдчилсан байдлаар тогтоогдсон. Одоогоор тус хэрэгт холбогдуулан мөрдөн шалгах ажиллагаа явуулж байна" гэв.
Монгол Улсын Амьтны тухай хуульд зааснаар амьтны аймагт учирсан хохирлыг тухайн амьтны экологи, эдийн засгийн үнэлгээг хоёр дахин нэмэгдүүлсэн хэмжээгээр нөхөн төлүүлнэ гэж заасан байдаг аж.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.