Ерөнхийлөгч Дональд Ж.Трамп Колумбиа дүүрэгт онцгой байдал үүссэн гэж үзэж, 2021 оны нэгдүгээр сарын 11-24-ний хооронд онц байдал зарлажээ. Тус дүүрэгт Цагаан ордон байрладаг. Онц байдалтай холбоотойгоор америкийн Дотоодыг аюулаас хамгаалах яам, Онц байдлын удирдлагын газрын зүгээс гамшгийн элдэв аюултай холбоотой авран хамгаалах, туслан дэмжих үйл ажиллагааг хариуцан гүйцэтгэх ажээ.
Өчигдөр Ерөнхийлөгч Д.Трамп Fox TV-ээр үг хэлнэ гэсэн ч товлосон цагаас хоёр цагаар хойшилсны эцэст АНУ-ын ТНБД Майк Помпео 10 орчим минут үг хэлэв. Тэрээр сонгуулийн тухай бараг ярьсангүй. Харин Америкийн үнэ цэнийг Хятадтай харьцуулж хүний эрх, эрх чөлөө, үг хэлэх, мэдэх эрхийн цензүүр, түүх гэх мэт сэдвүүдийн хүрээнд жишээ татаж ярилаа. Түүний ярианы гол зорилго нь Америкийн сонгуулийн луйвар зөвхөн дотоод асуудал байгаагүй. БНХАУ, АНУ-ын хооронд дэлхийн жанжлалын төлөөх дайн болж буй гэдэгт олон нийтийн анхаарал хандуулах гэсэн оролдлого байлаа.
Хятадын эсрэг чиглэсэн 13959 дугаартай Ерөнхийлөгчийн захирамжийг хэрэгжүүлж эхэлсэн гэх мэдээлэл одоогоор гараагүй бна. Хэрэв хэрэгжүүлээд эхэлбэл үнэн хэрэгтээ дайн зарласнаас ялгаагүй явдал болох ажээ. Хятадын цэрэг армитай холбоотой компани, хуулийн этгээдэд хөрөнгө оруулахыг бүрмөсөн хориглох, хөрөнгийн биржээс шахан зайлуулах гэсэн агуулгатай Ерөнхийлөгчийн захирамж оны өмнө гарсан ажээ.
Мөн Холбооны мөрдөх товчооноос муж улсууд руу Трампыг огцруулах ажиллагааг Конгресс дээр хэлэлцэж эхэлсэнтэй холбоотойгоор нэгдүгээр сарын 16-нд бослого гарч магадгүй гэсэн агуулгатай сануулга бичиг хүргүүлсэн байна.
.jpg)
Сэтгэгдэл1
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.