Франц Улсын ЭМ-ийн сайд О.Веран Мягмар гарагт Үндэсний Ассемблейд “Бид 2021 оныг вирусын шинэ хувилбар бус цар тахлыг ялж гарах жил гэж харж, найдаж байна” гэж мэдэгдсэн байна.
Тэрээр мөн хэлсэн үгэндээ Франц улс сараас сард вирус илрүүлэх шинжилгээний хурд, тоо хэмжээг ихэсгэж Европт хийж буй шинжилгээний тоогоор 7 хоногт 1.3 саяаас дээш буюу эхний 3 байрт орж байна, түүнчлэн Европт анх удаа хүний шүлснээс вирус илрүүлэх оношилгоог /7 хоногт 200-300 мянга/ нэвтрүүлэхээр болж буйг дурджээ.
Франц Улсад 2021 оны 2 дугаар сарын 16-ны өдрийн байдлаар вирусын халдвар авсан шинэ тохиолдол 19590 /нийт 3489129), нас баралтын тоо 586 /нийт 82812) болж нэмэгдсэн бол эрчимт эмчилгээнд буй иргэдийн тоо 33-аар /нийт 3381/ буурчээ.
Франц Улсын хэмжээнд Ковид-19 вирусын эсрэг вакциныг 2298086 хүнд хийсэн байна.
Эх сурвалж: Бүгд Найрамдах Франц Улс дахь Монгол Улсын Элчин сайдын яам
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.