Хятадын Цаг уурын удирдах газраас даваа гарагийн өглөө Өвөр Монголоос ирсэн шороон шуурганд тус улсын Бээжин хотыг тойрон орших Ганьсу, Шаньси, Хэбэй мужууд дарагдсан тул шар түгшүүр зарласан гэж Ройтерс мэдээлжээ.
Түүнчлэн хойд хөрш Монгол Улсад мөн хүчтэй шороон шуурга шуурснаас 341 хүн алга болсон гэж Синьхуа агентлагаас иш татан мэдээлсэн байна. Шороон шуургын улмаас Өвөр Монголын нийслэл Хөххотод нислэгүүдийг цуцалжээ.
Бээжингийн агаарын чанарын индекс даваа гарагт 500 давж, PM10 тоосонцрын хэмжээ нэг куб метрт 8000 микрограмм хүрсэн гэж хотын орчны хяналтын төвөөс мэдээлсэн байна. ДЭМБ-аас агаар дахь PM10-ын концентраци 50 микрограммаас илүүгүй байх ёстой гэж үздэг юм.
Бээжин хот нь говь цөлтэй ойрхон оршдог, мөн Хятадын хойд хэсгээр ой мод устсан цөлжилт ихтэй тул гурав, дөрөвдүгээр сард элсэн шуурга тогтмол болдог гэж мэдээлжээ.
Эх сурвалж: Reuters
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.