Цагаан ордны санаачилгаар АНУ-ын ерөнхийлөгч Жо Байден, ОХУ-ын ерөнхийлөгч Владимир Путин нар утсаар ярьсан байна.
Жо Байден тангараг өргөснөөсөө хойш хоёрдох удаагаа Кремль руу утас цохиж буй нь энэ юм.
Төрийн тэргүүнүүдийн ээлжит ярианы үеэр АНУ-ын Ерөнхийлөгч Жо Байден энэ сарын сүүлээр болох Цаг уурын асуудлаарх цахим дээд хэмжээний уулзалтад ОХУ-ын Ерөнхийлөгчийг урьж байгаагаа бататгасан байна. Тус дээд хэмжээний уулзалтыг Жо Байден даргалах юм.
Мөн АНУ -ын Ерөнхийлөгчийн зүгээс ирэх саруудад ОХУ-ын Ерөнхийлөгч Владимир Путинтэй гуравдагч оронд биечлэн уулзах хүсэлтэй байгаагаа илэрхийлжээ.
Ерөнхийлөгч Байден Оростой тодорхой асуудлууд дээр "тогтвортой, урьдчилан таамаглаж болохуйц" харилцаа тогтоох сонирхолтой байгаагаа илэрхийлсэн.- гэж Цагаан ордны мэдээлэлд дурджээ.
Эх сурвалж: Sarnai Econ
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.