Шуурхай: Британийн шүүх Солонгос хосуудыг авлигад автсан МОНГОЛЫН улстөрчийн МӨНГӨ УГААСАН хэрэгт холбоотой гэж үзлээ

Шуурхай: Британийн шүүх Солонгос хосуудыг авлигад автсан улстөрчдийн мөнгө угаасан хэрэгт холбоотой гэж үзлээ

БНСУ-ын Weeklytoday.com сайтад өнгөрсөн Баасан гаригт нийтлэгдсэн доорх мэдээ нь өнөөдрийг хүртэл Солонгосчуудын хувьд эрэлттэй мэдээ хэвээр байсаар байна. Учир нь, Солонгосчуудын хувьд улс орныхоо нэр хүндийг хилийн чанадад унагаасан, тэр тусмаа хууль бусаар олсон улстөрчдийн мөнгийг угаасан хэрэгт холбогдсон явдалд ихээхэн эгдүүцэн бухимдаж байгаа ажээ. 

Монгол Улсын Ерөнхий сайд асан С.Батболд болон БНСУ-ын зургаан иргэнийг уул уурхайтай холбоотой хэдэн зуун сая ам.долларын хэрэгт татан оролцуулжээ. Энэ хэргийн гол хамсаатан Самсунг корпорацийн ажилтан асан Жон Мо болон түүний эхнэр Ким Мо, Ерөнхий сайд асан С.Батболд нарын гадаадад байгаа хэд хэдэн хөрөнгийг царцаажээ.

Өнгөрсөн оны арваннэгдүгээр сарын 18-нд Англи, Уэльсийн Дээд шүүх Монгол Улсын Ерөнхий сайд асан Сүхбаатарын Батболдын 15,235,500 сая еврогийн хөрөнгийг битүүмжилсэн болохоо мэдэгдэж, хөрөнгөө тайлагнахыг шаардав. Үүний хариуд Монгол улсын Төрийн өмчийн бодлого зохицуулалтын газар, "Эрдэнэ үйлдвэр" ТӨҮГ, "Эрдэнэс Оюутолгой" компаниуд шүүхэд нэхэмжлэл гаргаж, хэргийг Нью-Йоркийн шүүхэд шилжүүлжээ.

/Weeklytoday, Канг Ду Ву/ Монгол улсын төрийн өмчийн Эрдэнэт, Оюутолгойн уул уурхайн баялгийг ашиглаж хууль бусаар олсон, авлигач улстөрчдийн хөрөнгийг нуун дарагдуулсан хэрэгт БНСУ-ын иргэд хамтран оролцсон цочирдмоор хэрэг гарчээ.

Оюутолгойн уурхайн 51 хувийг эзэмшдэг Рио Тинтогоос авлигал авч, мөнгө угаах асар том сүлжээг бий болгосон Монголын улстөрчдийн бусармаг, цуврал үйлдэлд Солонгос хос голлох үүрэг гүйцэтгэж байсан ажээ. Тэд хэд хэдэн компанийн оффшор дансаар дамжуулан хээл хахууль авч, дэлхийн өнцөг булан бүрт үл хөдлөх хөрөнгө худалдаж авчээ.

Уэльсийн шүүхээс Ерөнхий сайд асан С.Батболд, БНСУ-ын иргэн Жон Мо болон түүний эхнэр Монголын төрийн өмчит Эрдэнэт, Оюутолгойн уурхайтай холбоотой хууль бус гүйлгээ хийх замаар хэдэн зуун сая долларын хөрөнгийг нуун дарагдуулсан гэж мэдэгджээ.

Нэмж дурдахад, Уэльсийн шүүх энэ хэргийг үндсэндээ "авлигын хэрэг" гэж онцолж, Өмнөд Солонгос улсын иргэн Жон Мо, түүний эхнэр Ким Мо болон "Ерөнхий сайд асан С.Батболдын хэрэг” хэмээжээ.

Энэ хэрэгт холбогдсон Ерөнхий сайд асан Сүхбаатарын Батболд  нь 2009-2012 онд Монгол Улсад Ерөнхий сайдаар ажиллаж байсан бөгөөд Ардын намын (МАН) даргын албыг давхар хашиж байжээ.

Тодруулбал, тэрбээр Монголын хамгийн баян хүн бөгөөд түүнийг зарим хэсэг нь Хятадтай холбоотой авлигач албан тушаалтан хэмээх нь ч бий.

Энэ үйл явдлыг Ерөнхий сайд асан С.Батболд Хятад, Швейцарь, Британийн Виржинийн арлуудад нийтдээ зургаан Солонгос иргэнтэй /ноён Жон, хатагтай Канг, ноён Хан/ хамтран компани байгуулж, Монголын хамгийн том зэсийн уурхай "Эрдэнэт" үйлдвэртэй хууль бус гэрээ байгуулсан хэмээн дүгнэлтэд дурджээ.

Эхний удаад Ерөнхий сайд асан С.Батболд, ноён Жон нар Эрдэнэтийн уурхайтай байгуулсан хууль бус гэрээнээс олсон орлогоо оффшор дансанд байршуулж, нуух зорилгоор хилийн чанадад дөрвөн компани байгуулсан.

Дараа нь тэрбээр Оюутолгой дахь 51 хувийн хөрөнгө оруулалттай Рио Тинто компаниас хахууль авсан нь тодорхой болжээ. Хэд хэдэн компанийн оффшор дансанд мөнгө шилжүүлж, дэлхийн өнцөг булан бүрт үл хөдлөх хөрөнгө худалдаж авах замаар мөнгө угаасан байж болзошгүй ажээ.

Ийм учраас "Эрдэнэт ТӨҮГ", "Эрдэнэс Оюу Толгой ХХК”-ийг эзэмшдэг Монгол Улсын Төрийн өмчийн бодлого зохицуулалтын хороо шүүхэд нэхэмжлэл гаргасныг Нью Йорк мужийн Дээд шүүхэд шилжүүлжээ.

Үүний дагуу Англи, Уэльсийн Дээд шүүх зэрэг хэд хэдэн орны шүүхүүд (Монгол, Англи ба Уэльс, Хонконг, Америкийн Нэгдсэн Улс) Ерөнхий сайд асан С.Батболд болон түүний хамсаатнуудын эзэмшиж байсан гадаадын асар их хөрөнгийг битүүмжилжээ.

  

С.Батболдын хамтрагч Солонгос хосууд хэн бэ?

Энэ хэрэгт С.Батболдын хамтрагч гэгдэж байгаа Жон Мо нь Самсунг компанид ажиллаж байсан. Тэрбээр Самсунгийн Эрдэнэт үйлдвэр болон Монголын хамтарсан Эрдсам компанид ажиллаж байхдаа Монголын эрх баригчидтай нягт холбоотой байсан бөгөөд 2007 онд хувийн компани байгуулж, Ерөнхий сайд асан С.Батболдын төлөөлөгчөөр ажиллах болжээ.

Нэмж дурдахад, тэрээр одоогоор найман орны 60 компанийн захирал, хувьцаа эзэмшигч бөгөөд тэдгээрийн ихэнх нь Монголтой холбоотой ажээ.

Чухамдаа тэрээр 2012-2014 онд Ерөнхий сайдаар ажиллаж байсан С.Батболдын хүүхдүүдийн Бостон дахь орон сууцнуудыг эзэмшдэг компанийн захирал байсан бөгөөд Нью-Йорк, Лондон, Хонгконг-д 31 сая гаруй ам.доллар эзэмшиж байсан гэх мэдээлэл бий.

Түүний эхнэр Ким нь найман оронд 25 компанитай бөгөөд Ерөнхий сайд асантай тун ойр харилцаатай гэдгээрээ алдартай. Түүнийг Бостон, Лондон, Тайландад 14 сая ам.долларын үл хөдлөх хөрөнгө эзэмшдэг гэсэн мэдээлэл байна. Монголын хэвлэл мэдээллийн байгууллагуудын мэдээллээс харвал Солонгосчууд Монголын авлигын үндэсний сүлжээнд холбогдсон явдал нь БНСУ-ын нэр хүндийг унагаж, гутаан доромжилсон үйл явдал болж байна.

Монгол дах Солонгосчууд ч "БНСУ-ын татварын алба энэ хэрэгт анхаарлаа хандуулах нь зүйтэй" хэмээн дуу хоолойгоо өргөж эхэллээ.

Ерөнхий сайд С.Батболдын авлигаас үүдэлтэй хэрэг Монгол орныг хамарч байна

Энэ сарын 22-ны өдөр Монгол улсын Ерөнхийлөгч Х.Баттулга МАН-ыг татан буулгах захирамж гаргалаа. Энэ үйл явц нь одоогийн Ерөнхийлөгчийг дахин нэр дэвшүүлэхгүй гэсэн ҮХЦ-ийн шийдвэрээс улбаатай. Энэ бүхнийг Ерөнхий сайд асан С.Батболдын хэрэг дэлгэгдсэнтэй холбож үзэх нь зүйтэй.

Учир нь С.Батболд нь МАН-ын дарга байсан төдийгүй түүний нөлөө өнөөг хүртэл намдаа хүчтэй хэвээр байна. Тэрээр ирэх Ерөнхийлөгчийн сонгуульд нэр дэвшинэ хэмээн хүртэл яригдаж байв.

МАН С.Батболдыг яллагдагчаар татагдахаас сэргийлж, Ерөнхийлөгчийн эрх мэдлийг авахыг санаархаж байгаа хэрэг гэж үзэж болно.

Ерөнхийлөгч Х.Баттулга "Үндсэн хуулинд заасны дагуу цэрэгжүүлсэн улстөрийн намыг татан буулгана" хэмээн хатуу шүүмжиллээ. МАН улстөрийн намын бүтэцтэй зэрэгцүүлэн цэргийн бүтэц бий болгож улс орны ардчиллын суурь зарчимд заналхийлж байна хэмээн үзэж байгаа ажээ.

Эх сурвалжийн мэдээг энд дарж бүрэн эхээр нь үзнэ үү.

Жич, Редакцийн анхааруулга: Дээрх мэдээний орчуулга нь албан бус болно. Иймд та эх сурвалжтай нь харьцуулж уншина уу.