Таван сая Израильчууд COVID-19-ийн эсрэг хоёр тунгийн Pfizer-BioNTech вакцинд хамрагдаад байна
Израилд насанд хүрсэн хүн амынхаа 75 орчим хувийг коронавирусний вакцины хоёр тунд бүрэн хамруулаад байна. Энэ нь хүн амын нийт тоотой харьцуулахад 55 орчим хувь ажээ. Вакцины эхний тунг Израилын нийт иргэдийн 58 орчим хувь нь хийлгэсэн бөгөөд энэ нь насанд хүрсэн хүн амын 79 гаруй хувийг эзэлж байгаа юм.
Тус улсын эрх баригчид одоо насанд хүрээгүй иргэдээ вакцинжуулах асуудлыг хэлэлцэж байна. Хүн амд ногдох вакцинжуулалтын үзүүлэлтээр Израил дэлхийн улс орнуудыг тэргүүлж байгаа юм.
Мөн тус улс дэлхийн бусад орнуудад вакцин хандивлах болсон талаар орон нутгийн хэвлэлүүд мэдээлж эхэлжээ. Тус улстай найрсаг, дипломат харилцаатай дэлхийн бусад орнуудад хандивлах вакцины нийлүүлэлтийн талаар АНУ-ын Модерна эмийн үйлдвэртэй яриа хэлэлцээрийг эхлүүлсэн ба тавдугаар сарын сүүлээр нийлүүлж эхлэх ажээ.
Эх сурвалж:honestreporting.com
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.