АНУ-ын тал БНАСАУ-ын талаар баримтлах бодлогоо ойрын хугацаанд зарлана
/Washington post/ АНУ-ын шинэ Засаг захиргаа БНАСАУ-ын талаар баримтлах стратегиа танилцуулахаар зэхэж буй энэ үед Ерөнхийлөгч Ж.Байден Конгресст хэлсэн үгэндээ Иран болон Хойд Солонгосын цөмийн хөтөлбөр нь Америкийн төдийгүй дэлхий дахины аюулгүй байдалд ноцтой аюул занал учруулж байгаа тул дипломат аргаар болон тогтоон барих хатуу арга хэмжээгээр хариу барина гэснийг Умард Солонгосын тал АНУ-ын уламжлалт “тэвчишгүй” байр суурь хэмээн үзжээ.
БНАСАУ-ын ГХЯ-ны Америкийн газрын захирал Квон Жон Гун энэ талаар хэлсэн үгэндээ Ерөнхийлөгч Ж.Байден БНАСАУ-ын талаар АНУ-ын зүгээс өнгөрсөн хагас зуун жилийн турш баримталж ирсэн дайсагнасан бодлогыг үргэлжлүүлэх нь ажиглагдаж байна гэжээ.
Харин Цагаан ордны хэвлэлийн төлөөлөгч Ж.Псаки АНУ-ын шинэ Засаг захиргаа тус улс Умард Солонгосын талаар баримталж ирсэн бодлогод үнэлгээ хийж дуусаад байгааг мэдээлж, АНУ-ын өнгөрсөн 4 удаагийн Засаг захиргаа нь Солонгосын Хойгийг цөмийн зэвсгээс ангижруулах зорилгодоо хүрээгүйг тэмдэглэсэн байна.
Түүнчлэн Ж.Байдены Засаг захиргааны БНАСАУ-ын талаар баримтлах бодлого нь Д.Трампын "удирдагчид хоорондын дипломат ажиллагаа" болон Б.Обамагийн "стратегийн тэвчээртэй байдал" хоёрын дундуур буюу АНУ-д учруулах заналхийллийг багасгасан “тохируулсан, бодитой дипломат ажиллагаа"-г хэрэгжүүлэх болно гэж албаны хүн мэдээлсэн тухай Вашингтон Пост нийтэлжээ.
Эх сурвалж:North Korea threatens response to Biden's 'hostile' policy - The Washington Post
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.