АНУ БНЭУ-д цар цахалтай тэмцэхэд нь зориулж тусламж илгээж эхэлжээ
/Вашингтон пост/ АНУ-ын хувьд 60 сая тун AstraZeneca вакциныг бусад улс орнуудтай хуваалцахаа өнгөрсөн 7 хоногт мэдээлсэн. Ерөнхийлөгч Ж.Байдены ахлах зөвлөх А.Дунн энэ талаар “АНУ-ын Хүнс болон эмийн байгууллага AstraZeneca вакциныг хэрэглээнд оруулах зөвшөөрлийг хараахан өгөөгүй байгаа бөгөөд гадаад улс орнуудад өгөхөөр амлаад буй 60 сая вакциныг хараахан үйлдвэрлэж гүйцээгүй байгаа. Бэлэн болмогц хуваалцах болно” гэсэн байна.
АНУ-ын зүгээс БНЭУ-д цар цахалтай тэмцэхэд нь хангалттай хэмжээний тусламж үзүүлэхгүй байна гэсэн шүүмжлэл гарч байгаатай холбогдуулан Цагаан ордны зүгээс АНУ нь БНЭУ-д эмнэлгийн бараа бүтээгдэхүүн, хүчилтөрөгчийн баллонууд бүхий онгоцыг өнгөрсөн 7 хоногийн сүүлээр илгээсэн гэв. Түүнчлэн БНЭУ-ын үйлдвэрлэж буй Covishield вакциныг 20 сая тунг үйлдвэрлэх түүхий эд материалыг АНУ-аас хүргүүлээд байгаа талаар Вашингтон Пост мэдээлжээ.
АНУ-аас бусад улс орнуудад өгөх 60 сая тун AstraZeneca вакцин хараахан бэлэн болоогүй байгаа ч бэлэн болмогц цар тахал эрчимтэй тархаж буй БНЭУ болон бусад ядуу буурай орнуудад эхний ээлжинд хүргүүлэх хандлагатай байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.