А.Блинкен: АНУ дотоодод үйлдвэрлэсэн Ковид-19 вакцины нийт 80 сая тунг гадаад орнуудад нийлүүлэх болсноо ойрын үед зарлана
(The Hill, 2021.6.2)2021 оны 6 дугаар сарын 1-нд Коста Рика Улсад айлчлах үеэрээ ТНБД А.Блинкен: Дотооддоо зөвшөөрөгдсөн вакциныг гадаад орнуудад хэрхэн нийлүүлэх талаар удахгүй мэдэгдэл хийнэ хэмээн тэмдэглэсэн байна. Тэрбээр АНУ дотооддоо үйлдвэрлэсэн вакцины тэгш хуваарилалтад гол анхаарлаа хандуулахаа илэрхийлж, ДЭМБ-ын COVAX хөтөлбөртэй уялдаа холбоотой ажиллах тухайгаа цохон тэмдэглэжээ.
Түүнчлэн Ерөнхийлөгч Ж.Байден өнгөрсөн тавдугаар сард АНУ-аас гадаад орнуудад нийлүүлэх вакцины хэмжээ нь бусад орны нийлүүлэлтээс тав дахин их байх болно гэж мэдэгдэж байв. Гадаад орнуудад нийлүүлэх 80 сая тун вакцин Moderna, Pfizer-BioNTech болон Johnson & Johnson компанийн дотоодод үйлдвэрлэсэн вакцинуудаас бүрдэх аж.
Өнгөрсөн хугацаанд Байдены Засаг захиргааг вакциныг ихээр нөөцөлж буйг шүүмжилж, нэн шаардлагатай гадаад улс орнуудад нийлүүлэх нь зүйтэй хэмээн зарим улс төрчид шахалт үзүүлсээр ирсэн юм.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.