А.Фаучи: БНХАУ-аас Ухань хотын судлаачдын эмнэлгийн түүхийг гаргаж өгөхийг шаардаж байна
АНУ-ын Ерөнхийлөгчийн Эрүүл мэндийн асуудал хариуцсан зөвлөх А.Фаучи цар тахал дэгдэхээс өмнө коронавирусний шинж тэмдгээр өвчилсөн байж болзошгүй есөн хүний, түүний дотор Ухань хотын вирус судлалын хүрээлэнгийн гурван мэргэжилтний өвчний түүхийг олон нийтэд ил болгохыг БНХАУ-ын холбогдох байгууллагаас шаардсан талаар Вашингтон пост сонинд нийтлэв.
Тэрээр 2021 оны 6 сарын 4-нд “Financial Times” сонинд өгсөн ярилцлагадаа “Уг вирус нь Хятадын лабораториос алдагдсан байж болзошгүй гэсэн таамаглал нэмэгдэж байгаатай холбогдуулан коронавирусний гарал үүслийн талаарх маргааныг шийдвэрлэхэд уг баримт бичиг нь тус дөхөм болно” хэмээн онцолжээ.
Ухань хотод коронавирусний халдвар тархсан мэдээг анх 2019 оны 12 сард албан ёсоор мэдэгдсэн боловч тус хүрээлэнгийн судлаачид нэг сарын өмнөөс уг вирусээр өвчилсөн байж болзошгүйг АНУ-ын холбогдох байгууллагаас мэдээлснийг WallStreet сэтгүүлд мөн мэдээлсэн билээ.
Түүнчлэн А.Фаучи 2012 онд Хятадын Юньнань мужийн зургаан уурхайчин сарьсан багваахайн агуйд орсны дараа вирусийн гаралтай уушгины хатгалгаагаар өвчилсөн өвчний түүхийг мөн Хятадын талаас шаардаад буй аж. Тус агуйгааас халдвар авсан иргэдийн вирусний сорьц Ухань дахь лабораторт хадгалагдаж байсан талаар мөн дурджээ.
Эх сурвалж: washingtonpost
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.