Хятадын баруун хэсэгт цөмийн пуужингийн хоолой үйлдвэрлэж байна гэж АНУ-ын эрдэмтэд мэдээлэв.
Шинжаан мужаас авсан хиймэл дагуулын зургуудаас 110 орчим хоолой агуулах боломжтой байгууламж баригдаж байгааг АНУ-ын эрдэмтдийн холбоо (FAS) -ын тайланд дурджээ. Энэхүү байгууламжийг Юмэнээс баруун хойд зүгт 380 км зайд орших Хамид гэх газарт баригдаж эхлээд удаагүй гэж мэдээлсэн.
Энэ нь сүүлийн хоёр сарын хугацаанд Хятадын баруун хэсэгт баригдаж байгаа хоёр дахь цөмийн хоолойн талбай юм.
Өнгөрсөн сард Вашингтон Пост сонинд Гансу мужийн Юмэнь дахь цөлжсөн нутагт 120 ширхэг цөмын пуужингийн хоолой байгааг олж мэдээлсэн.
Цөмийн зэвсгийг бууруулах талаар зогсонги байдал ороод байсан хэлэлцээг АНУ-ын Төрийн нарийн бичгийн даргын орлогч Венди Шерман, ОХУ-ын Гадаад хэргийн дэд сайд Сергей Рябков сэргээх алхмуудыг хийж эхлээд байна. Гэвч Хятад улс өнөөг хүртэл зэвсгийг хянах хэлэлцээнд оролцоогүй байна.
АНУ-ын батлан хамгаалахын албаны хүмүүс Хятадын цөмийн нөөц нэмэгдэж байгаад санаа зовж буйгаа илэрхийлэв.
Пентагоноос 2020 онд Хятад улс 200 гаруй цөмийн цэнэгт хошуутай байсан тэд энэ тоогоо дор хаяж хоёр дахиан өсгөх зорилготой байсан гэж мэдэгдэв.
АНУ-ын Стратегийн командлал, Батлан хамгаалах яамны стратегийн хязгаарлалтыг хариуцдаг хэсэг өөрийн твиттертээ "Дэлхий дахинд нүүрлэж буй аюул заналхийлэл, түүнийг тойрсон хөшигний арыг нууцийг бид хоёр сарын хугацаанд хоёр дахь удаагаа олж илрүүллээ" гэж жиргэсэн.
Шинжаан дахь цөмийн хоолойн талбайг арилжааны хиймэл дагуулын зураг ашиглан илрүүлсэн боловч өндөр нарийвчлалтай зургийг хожим нь Planet хиймэл дагуулын зураг авалтын компаниас гаргажээ.
АНУ-ыг ойролцоогоор 3800 цэнэгт хошуутай гэж шинжээчид үзэж байна.
Эх сурвалж: BBC.com
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.