ОАКЛАНД, Калифорниа (AP) - Өмнө нь асуудалтай байсан олон компаниудын нэгэн адил Facebook нэр, логогоо өөрчилж байна.
Фэйсбүүк компанийн Гүйцэтгэх захирал Марк Зукерберг өчигдөр (Пүрэв гарагт) Facebook Inc-ийг одоо Meta Platforms Inc буюу товчоор "META" гэж нэрлэх болсныг мэдэгдлээ. Шинэ нэр нь компани “metaverse” хэмээх цоо шинэ салбарт төвлөрч ажиллах болсныг харуулж байгаа юм байна. Энэ нь хүмүүс интернэт орчинд виртуал болон бодит амьдралыг хослуулан ажиллаж, амьдрах тухай ойлголт юм.
17 жилийн өмнө Зукербергийн Харвардын дотуур байранд үүсгэн байгуулснаас хойшхи хамгийн том хямралд хүргэсэн, задруулсан баримт бичгийн сан болох Facebook-ийн баримт бичгүүдийн сэдвийг өөрчлөхийг оролдсон гэж шүүмжлэгчид тэр даруй компанийг буруутгав.
Энэ алхамыг зах зээлийн шинжээч Лаура Рисэд газрын тосны аварга компани болох Бритиш Петролиум байгаль орчинд хор хөнөөл учруулсан гэх шүүмжлэлээс зугтахын тулд өөрийгөө "Beyond Petroleum" болгон нэрээ өөрчилсөнтэй адилтгав. Тэрээр цааш нь, "Facebook бол дэлхийн олон нийтийн мэдээллийн платформ бөгөөд тэднийг хүмүүс болон нийгэмд хор хөнөөлтэй зүйл бүтээсэн гэж буруутгаж байна. Тэд шинэ корпорацийн нэрээр нийгмийн сүлжээнээс холдож, ирээдүйн метаверсийн талаар ярьж чадахгүй." гэв.
Энэхүү мэдэгдэл нь Facebook-ийн баримт бичгүүдээс болж дэлхийн олон оронд Фэйсбүүкт хууль тогтоомж, зохицуулалтын хяналт шалгалтыг чангатгаж байгаа үед гарч байна. Корпорацийн ребрендинг нь дотоод баримт бичгүүдээс илэрсэн олон асуудлыг шийдэх эсвэл компанийн бүтээгдэхүүн нийгэмд учруулж буй хор хөнөөлийн талаар шүүмжлэгчдийн олон жилийн турш дэгдээсээр ирсэн түгшүүрийг намжааж чадахгүй.
Зукерберг "Facebook-ийн баримт бичгүүд"-ээс үүдэлтэй шуугианыг "шударга бус" гэж үгүйсгэв.
Калифорниа мужийн Менло Парк дахь төв оффисын гадаах лого хязгааргүй байдлын бэлгэдэлийг санагдуулам хөх логогоор солигдлоо.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.