ОХУ-ын Ерөнхийлөгч Владимир Путин пүрэв гаригт Италийн Ерөнхий сайд Марио Драги утсаар ярилаа.
Владимир Путин энэ үеэр барууны орнууд Украины асуудлаар ОХУ-д тавьсан хориг арга хэмжээгээ цуцалбал Москва хүнсний хомслын хямралаас зайлсхийхэд туслахад бэлэн байгааг илэрхийлсэн байна. Мөн тэрээр дэлхийн зах зээл дээр хүнсний хангамжийн асуудалд ОХУ-ыг буруутгаж байгааг эсэргүүцсэн юм.
ОХУ болон Украин улсууд нь дэлхийн нийт улаан буудайн үйлдвэрлэлийн 30 хувийг бүрдүүлдэг. Гэвч ОХУ өнгөрсөн хоёрдугаар сарын 24-ний өдөр цэргийн хүчээр Украинд түрэмгийлж, дайны нөхцөл болон хориг арга хэмжээтэй холбоотойгоор хоёр улсын үр тариа, бордооны экспорт бараг бүхэлдээ тасалдаад байгаа юм. Улмаар дэлхий дахинд хүнсний хангамжийн асуудал нүүрлэж, хүнсний хомсдол үүсэх эрсдэл бий болсон.
Эх сурвалж: Reuters, Alarabiya
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.