АНУ-ын Төлөөлөгчдийн танхимын дарга Нэнси Пелоси Азийн хэд хэдэн орноор айлчлал хийж байгаа билээ.
Тэрбээр Тайвань дахь асуудал дагуулсан айлчлалаа дуусгаад БНСУ-ын нийслэл Сөүл хотод иржээ. Тэгвэл БНСУ-ын Ерөнхийлөгч Юн Сог Ёл ээлжийн амралтаа авсан байгаа тул Нэнси Пелоситой уулзахгүй, утсаар ярих талаар “Ёнап” агентлаг мэдээллээ.
Юн Сог Ёл, Нэнси Пелоси нар өнөөдөр орой /2022.08.04/ утсаар ярих аж. БНСУ-ын Ерөнхийлөгчийн хэвлэлийн албанаас “Ерөнхийлөгчид АНУ-ын Төлөөлөгчдийн танхимын даргатай уулзах төлөвлөгөө байхгүй. Түүний амралтын хугацаа Нэнси Пелосигийн айлчлалын хугацаатай давхцаж байгаа тул уулзах боломжгүй” гэж мэдээлжээ.
.jpeg)
Тэгвэл БНСУ-ын Үндэсний ассамблейн спикер Ким Жин Пё өнөөдөр Нэнси Пелоситой уулзах аж. Мөн БНСУ-ын эрх баригч болон сөрөг хүчний намын удирдлагууд АНУ-ын Төлөөлөгчдийн танхимын даргатай уулзахаар болжээ.
БНСУ-ын шинжээчид Ерөнхийлөгч Юн Сог Ёлын Нэнси Пелоситой уулзахгүй байх шийдвэрийг Хятадтай харилцаагаа муутгахаас болгоомжилж буй үйлдэл гэж дүгнэсэн байлаа.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.