ОХУ-ын Москва хотноо энэ сарын 14, 15-ны өдрүүдэд Монгол, Оросын худалдаа, эдийн засаг, шинжлэх ухаан, техникийн хамтын ажиллагааны Засгийн газар хоорондын комиссын ээлжит XXIV хуралдаан зохион байгуулаглаа.
Тодруулбал, Эрчим хүчний яамнаас мэдээлснээр уг хуралдаанд Монгол Улсын Эрчим хүчний сайд Б.Чойжилсүрэн оролцож, ОХУ-ын Эрчим хүчний сайд Николай Григорьевич Шульгиновтой албан уулзалт хийж “Дулааны III цахилгаан станц” ТӨХК-ийн өргөтгөлийн төслийн явц, ОХУ-аас авах цахилгаан эрчим хүчний хэмжээг нэмэгдүүлэх, эрчим хүчний сэлбэг, материалыг хилээр нэвтрүүлэхэд дэмжлэг үзүүлэх зэрэг асуудлыг хэлэлцсэн байна.
ОХУ-аас Монгол Улсын эрчим хүчний системд цахилгаан эрчим хүч нийлүүлдэг хэмжээг ирэх онд нэмэгдүүлэх талаар хүсэлт тавьж, эрчим хүчний сэлбэг материалыг хилээр саадгүй нэвтрүүлэх чиглэлээр дэмжлэг хүссэн байна.
“Дулааны III цахилгаан станц” ТӨХК-ийн суурилагдсан хүчин чадлыг нэмэгдүүлэх төслийн хүрээнд 2022 оны 10 дугаар сарын 24-26-ны өдрүүдэд Улаанбаатар хотноо “Интер Рао Экспорт” НХН-ийн захирал Сергеевтэй хийсэн хэлэлцээний хүрээнд тодорхой шийдлүүдэд хүрсэн талаар тэрбээр танилцуулж, тус төслийг ОХУ-ын хөнгөлөлттэй зээлээр хэрэгжүүлэх талаар хоёр тал хэлэлцээ хийжээ.
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.