Афганистаны Саманган мужийн Аябак хотын шашны сургуульд дэлбэрэлт болсны улмаас 17 хүн амиа алдаж, 26 хүн шархаджээ. Хохирогчдын дийлэнх нь 8-15 насны сурагчид аж.
Мөргөлийн дараа болсон дэлбэрэлтийг үйлдсэн гэдгээ одоогоор ямар нэгэн бүлэглэл хүлээн зөвшөөрөөгүй байна. Биеийн байдал нь хүнд байгаа зарим шархадсан иргэдийг томоохон хотын эмнэлгүүдэд шилжүүлжээ. Талибаны аюулгүйн хүчин хэргийг шалгаж, гэмт этгээдүүдийг хатуу шийтгэх болно гэдгийг дотоод хэргийн сайд нь мэдэгдлээ.
Өнгөрсөн онд Талибанчууд Афганистаны төрийн эрхэнд гарснаас хойш олон тооны халдлага гарчээ. Энэ оны есдүгээр сард их сургуулийн элсэлтийн шалгалт авч байсан танхимд амиа золиослогч бөмбөг дэлбэлсний улмаас 54 хүн амиа алдсаны 51 нь охид залуу, эмэгтэйчүүд байжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.