АНУ-Канадын хилийн ойролцоох Хурон нуурын дээгүүр үл мэдэгдэх нисдэг биетийг АНУ-ын ерөнхийлөгч Жо Байдены тушаалаар буудаж сөнөөжээ. Энэ тухай Пентагоны хэвлэлийн төлөөлөгч Патрик Райдер мэдэгдсэнийг CNN мэдээлэв.
Уг объектыг цэргийн аюул гэж үнэлээгүй ч нисэхэд аюултай гэж албаны хүн тодрууллаа. "Бид үүнийг газар дээрх аливаа зүйлд цэргийн кинетик аюул заналхийлэл гэж үнэлээгүй ч нислэгийн аюулгүй байдалд заналхийлж, тандалт хийх боломжтой тул аюул гэж үнэлсэн" гэж тэр хэлэв.
П.Райдер хэлэхдээ, АНУ-ын арми энэ объект болон түүний гарал үүслийн талаар илүү ихийг мэдэхийн тулд уг объектыг сэргээхээр ажиллана гэжээ.
Канадын хилийн ойролцоо Америкийн сөнөөгч онгоцны буудсан объект стандарт бус хэлбэртэй болох нь өмнө нь тодорхой болсон. Конгрессын гишүүн Жэк Бергманы хэлснээр, АНУ-ын Агаарын цэргийн хүчний F-16 сөнөөгч онгоц Хурон нуурын дээгүүр нууцлаг "найман өнцөгт" объектыг Sidewinder пуужингаар харвасан байна.
Зууны мэдээ
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.