БНХАУ-д амралтын өдөр эхэлсэн “Хоёр чуулган”-аар тус улс цэргийн зардлаа нэмэгдүүлэхээ мэдэгдлээ. Тусдаа явагдаж буй Бүх Хятадын Ардын Төлөөлөгчдийн их хурлын чуулган болон Хятадын Улс Төрийн Зөвлөлдөх Зөвлөлийн Үндэсний хорооны хуралдаан хоёр долоо хоногийн турш үргэлжилнэ.
Бүх Хятадын Ардын Төлөөлөгчдийн их хурлын чуулганаар БНХАУ-ын дарга Ши Жиньпины гурав дахь бүрэн эрхийн хугацааг баталгаажуулж, төр, засгийн удирдлагуудын халаа сэлгээг хийх юм.
Урд хөршийн цэргийн төсөв ойролцоогоор 225 тэрбум ам.доллар бөгөөд үүнийгээ энэ онд долоон хувиар нэмэгдүүлэхээр болсон байна.
Хятадыг дарж, хязгаарлахыг зорьж буй гадны оролдлого улам бүр нэмэгдсээр байгаа учир зэвсэгт хүчний бүх талын цэргийн бэлтгэл, сургуулилалт, бэлэн байдлыг эрчимжүүлнэ гэдгийг бүрэн эрх нь дуусгавар болж буй БНХАУ-ын Төрийн Зөвлөлийн Ерөнхий сайд Ли Көцян мэдэгдлээ.
Түүний халааг Ши Жиньпины ойрын холбоотон болох Шанхай хотын Коммунист намын нарийн бичгийн дарга Ли Цян авч, Хятадын шинэ Ерөнхий сайдаар томилогдох нь гарцаагүй гэж шинжээчид үзэж буй.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.