Өнгөрсөн долоо хоногт Грект галт тэрэгний томоохон осол болж, 57 иргэн амиа алдсан харамсалтай хэрэг гарсан. Осолд өртсөн иргэдийн дийлэнх нь оюутан залуус байсан гэдгийг холбогдох газраас мэдээллээд буй. Тэгвэл тус улсын Ерөнхий сайд Кириакос Мицотакис амиа алдсан иргэдийн гэр бүлд эмгэнэл илэрхийлж, уучлал хүсжээ.
Тухайн ослыг хүний буруутай үйл ажиллагаанаас үүдэлтэй гэж үзээд станцын мастер 59 настай эрийг санаандгүй байдлаар хүний амь насанд хүрсэн хэргээр баривчилсан байна. Түүний гэм буруутай нь тогтоогдвол хамгийн багадаа 10 жил, бүр цаашлаад бүх насаараа хорих ял авах юм.
Харин галт тэрэгний осолтой холбоотойгоор эрх баригчдыг эсэргүүцсэн жагсаал үргэлжилж байна. Өчигдөр Афин хотод 12 000 орчим жагсагч цагдаа нартай мөргөлдөж, мөргөлдөөний улмаас цагдаагийн долоон офицер гэмтэж, таван жагсагчийг баривчлан саатуулжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.