Киев хот байгуулагдсаны 1541 жилийн ойн өдрийг тэмдэглэхтэй зэрэгцээд Оросын талаас том хэмжээний дроны довтолгоо эхлүүлжээ. Украины хотууд руу 54 ширхэг дрон нисгэсний 40 нь Киевийг онилсон байжээ. Дээрх үйл явдал Украины дайн эхэлснээс хойших 15 сарын хугацаанд хамгийн том агаарын довтолгоо болж буй. Иранд үйлдвэрлэсэн эдгээр камиказе дроноос 52-ыг нь сөнөөж чадсан ч довтолгооны үеэр нэг хүн нас барж, хоёр хүн шархадсан тухай Украины талаас мэдээллээ.
"Довтолгоо хойд болон өмнөд хэсгээс, тэгш өндөрлөгөөс ирж байгаа бололтой. Оросууд Украины агаарын довтолгооноос хамгаалах хүчээ байнга сайжруулж, зайлсхийх арга хайж байна" гэж Украины армийн өмнөд командлалын төлөөлөгч мэдэгдэв.
Цэргийн ажиглагчид Оросын агаарын байнгын довтолгооны бас нэг зорилго бол Ираны хямд дрон ашиглан Украины агаарын довтолгооноос хамгаалах зэвсгийг шавхах явдал гэж үзэж байна.
.jpg)
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.