Эрхээ хамгаалахыг шаардсан БНСУ-ын багш нар өнгөрсөн долоо хоногоос тэмцэл өрнүүлж буй. Бямба гарагт парламентын ордны гадна болсон жагсаалд Солонгосын өнцөг булан бүрээс 200 000 багш ирж оролцжээ. Өнөөдөр ч багш нар илүү өргөн хүрээтэй тэмцэл өрнүүлэхээ мэдэгдсэн бөгөөд сургуулийн захиргаад нэг өдрийн чөлөө хүссэн өргөдөлд дарагджээ. Улсын хэмжээнд 30 гаруй бага сургууль даваа гарагийн хичээлээ цуцлаад байна. Багш нарын үйлдвэрчний эвлэлээс жагсаал 16.30 цагт Үндэсний ассамблейн ордны гадна талбайд эхлэхийг мэдэгдлээ.
Сүүлийн үед сурагчид, эцэг эхчүүдийн дарамт шахалтад өртсөн багш нарын эрхийг хамгаалах асуудал Солонгосын нийгэмд хурцаар тавигдаж буй. Долоодугаар сард Сөүл хотын нэгэн залуу багш эцэг эхчүүдийн дарамтыг тэсвэрлэлгүй амиа хорлосон бол өнгөрсөн долоо хоногт Гёнги муж болон Гунсан хотод тус бүр нэг багш амиа егүүтгэжээ.
Жагсаалд нэгдсэн багш нар мэргэжил нэгтнүүдийнхээ үхлийн цаад үнэнийг олж тогтоох, хүүхэд хамгаалах хуулийн тодорхой заалтыг өөрчлөх, сурагчдад шаардлагатай сахилгын арга хэмжээ авах эрхээ хадгалж үлдээхийг Үндэсний ассемблейгаас шаардаж буй ажээ.
.jpg)
.jpg)
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.