БНСУ-д нохойн махыг хүнсэнд хэрэглэхийг хориглох тухай хуулийн төслийг энэ онд багтаан батлах гэж байна.
Энэ зууны эхээр жилд хоёр сая нохойг хүнсэнд хэрэглэхээр нядалж байсан тус улсад сүүлийн үед нохойн махны хэрэглээ огцом буурчээ. Үүнийг амьтны эрхийг хамгаалагчдын зүгээс явуулж буй идэвхтэй арга хэмжээний сацуу солонгосчуудын хоолны соёл өөрчлөгдөж буйтай холбон тайлбарлаж байна. Нохойн махыг хүнсэнд хэрэглэхийг хориглох арга хэмжээг албан ёсны түвшинд авч байсан хэдий ч саяхнаас л БНСУ-ын эрх баригч нам хууль батлахаар болсон байна. Хуулийн төсөлд хүнсний зориулалтаар нохой үржүүлэх, нохойн махыг хүнсэнд хэрэглэх, худалдаалахыг хатуу хориглох заалт тусгажээ.
Хууль батлагдсан даруйд хүчин төгөлдөр болох ба хууль зөрчсөн тохиолдолд 2027 оноос эхлэн их хэмжээний торгууль ногдуулах, ял хорих хүртэл ногдуулах аж. Гурван жил үргэлжлэх шилжилтийн үед Засгийн газар нохойн аж ахуй эрхэлж байсан компаниудад үйл ажиллагааных нь чиглэлийг өөрчлөхөд дэмжлэг үзүүлэх аж. Өдгөө тус улсад 1150 нохойн аж ахуй, 34 нядалгааны газар, нохойн махан хоолоор үйлчилдэг 1600 ресторан үйл ажиллагаа явуулж байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.