Францын Парис хотын хамгийн хөл хөдөлгөөн ихтэй "Норд" метроны буудлаас хотын захиргааны ажилтны цүнхийг хулгайлсан хэрэг гарчээ.
Зөөврийн компьютер болон хоёр ширхэг флаш диск байсан гэх уг цүнхэнд Парисын олимпын үеэр цагдаа нарын мөрдөх аюулгүй байдлын төлөвлөгөө байсныг албаныхан баталжээ.
Орон нутгийн BFM телевизийн мэдээлснээр хохирогч цүнхээ суудлынхаа дээд талын тээш хадгалах агуулахад хийсэн бөгөөд галт тэргээ солих үед хулгайд өртсөнөө мэдсэн аж.
Уг хэргийг орон нутгийн тээврийн цагдаагийн газраас шалгаж байгаа юм.
Харин Парис хотын захиргаа уг хэргийн талаар дэлгэрэнгүй мэдээлэл өгөхөөс татгалзсан байна.
Ирэх долдугаар сарын 26-нд нээлтээ хийх олимпын үеэр 2,000 цагдаа, 35,000 мянган хамгаалалтын ажилтан ажиллахаар төлөвлөсөн билээ.
Парис хотод нэг бус удаа томоохон хядлага болсон. Тухайлбал 2015 онд Исламын хэт даврагчид театр болон кафе руу гал нээж 130 хүний аминд хүрсэн хар түүхтэй юм.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.