Украин руу цэргээ илгээх талаар Европын холбооны түвшинд ерөнхий шийдвэр гараагүй гэж ЕХ-ны гадаад бодлогын төлөөлөгч Петер Стано мэдэгдэв.
Түүний хэлснээр, Украин руу цэргээ оруулах асуудал нь ЕХ-ны орнуудын хариуцлага, бүрэн эрхт шийдвэр юм.
“Европын холбооны түвшинд Украин руу цэргээ илгээх шийдвэр гараагүй байна. Харин цэрэг зэвсгээр хэрхэн дэмжих вэ гэдэг асуудал бол гишүүн орнуудын бие даасан шийдвэр” гэж Брюссельд болсон хэвлэлийн бага хурлын Петер Стано мэдэгдлээ .
Үүний өмнө Францын Ерөнхийлөгч Эммануэль Макрон Парист хийлгэсэн хэвлэлийн бага хурал дээр барууны орнууд Украинд хуурай замын цэрэг илгээх боломж байгааг хэлсэн. Гэвч түүний санааг НАТО-гийн гишүүн орнуудын удирдагчид няцаасан байна. Гэхдээ Европын холбоо дунд болон холын тусгалын пуужин нийлүүлэх эвсэл байгуулахаар тохиролцжээ.
Чех, Польшийн Ерөнхий сайд нар Украин руу цэргээ илгээх бодолгүй байна гэсэн бол Шведийн Ерөнхий сайд Ульф Кристерссон Украинд цэрэг оруулах асуудлыг чухал биш гэлээ. Мөн Германы канцлер Олаф Шольц барууны орнууд Украин руу цэргээ илгээх төлөвлөгөө байхгүй гэдгийг баталлаа.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.