Техас мужид гарсан хээрийн түймэрт хэдэн арван мянган үхэр өртсөн тухай Америкийн бүс нутгийн Хөдөө аж ахуйн комиссар Сид Миллер мэдэгдэв. Муж улсын хэмжээнд томоохон гамшиг дагуулаад буй түймэрт хэдэн арван мянган бод мал өртөж шатсаны зэрэгцээ олон мянган мал түлэгдэж гэмтсэн тул устгалд оруулахаас өөр аргагүйд хүрчээ.
Ой хээрийн түймэрт 400 мянган га газар шатсанаас дөнгөж гурван хувийг нь цурманд орууллаа. Түймэр Охлахома мужийн нутагт орж ирсэн тул хүн, амьтныг нүүлгэж эхэлжээ. Тус мужид 13 мянган га түймэрт өртөн хэд хэдэн байр сууц шатжээ.
Ойрын үед хуурай халуун салхитай байгаа тул түймрийн талбай өргөжих хандлагатай. Техас дахь цөмийн цэнэг угсрах Pantex үйлдвэрийн үйл ажиллагааг зогсоож ажилтнуудыг нь нүүлгэн шилжүүлжээ.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.