Мягмар гарагийн шөнө чингэлэг тээвэрлэгч хөлөг онгоцонд мөргүүлж нурсан Балтиморын гүүрнээс унаж осолдсон хүмүүсийг ирж хайх ажиллагаа үргэлжилж байна. Осол болох үед гүүрэн дээр засвар хийж байсан найман ажилтан гол руу унаснаас хоёр хүнийг эсэн мэнд олсон бол үлдсэн зургаан ажилтныг амь үрэгдсэн гэж үзэж байсан юм. Тэгвэл өчигдөр нурсан гүүрний ойролцоох Патапско голоос улаан пикап машинтай живж осолдсон хоёр хүний цогцсыг гаргаж авсан тухай албаны хүмүүс мэдэгдлээ.
Мөн уг хэргийг мөрдөн байцаагчид өчигдөр осол гаргасан Дали хөлөг онгоцонд нэвтэрч, хар хайрцагтай төстэй мэдээлэл хураагчийг сэргээсэн тухай мэдээллээ.
АНУ-ын эргийн хамгаалалтын албаны мэдээлснээр хөлөг онгоцонд 1.5 сая галлон түлшний тос болон аюултай бодис агуулсан ачаа байгаа ч олон нийтэд аюул учруулахгүй гэж үзэж байна. Ерөнхийлөгч Жо Байден гүүрийг сэргээн босгох бүх зардлыг АНУ-ын засгийн газар хариуцна гэж мэдэгдсэн ч засвар хэр удаан үргэлжлэх нь тодорхойгүй байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.