04 сарын 23, Мягмар

Европ тив болзошгүй дайнд бэлэн байх ёстойг Польшийн ерөнхий сайд анхаарууллаа

Бусад
22 өдрийн өмнө
Европ тив болзошгүй дайнд бэлэн байх ёстойг Польшийн ерөнхий сайд анхаарууллаа

Баасан гарагт хэвлэлд өгсөн ярилцлагадаа Польшийн ерөнхий сайд Дональд Туск болзошгүй дайнд Европын орнууд бэлэн байх ёстойг анхааруулж, батлан хамгаалах салбарын хөрөнгө оруулалтаа нэмэгдүүлэхийг уриалжээ.

“Би хэнийг ч айлгах гээгүй байна. Гэхдээ дайн өнгөрсөн үеийн ойлголт байхаа нэгэнт больсон. Энэ нь хоёр жил гаруйн өмнө эхэлсэн бодит зүйл болоод байна” гэж тэр ярьсан юм.

Хэдхэн хоногийн өмнө Украин руу довтолсон Оросын пуужингуудын нэг Польшийн агаарын хилд нэвтэрч, зэвсэгт хүчнийг нь бэлэн байдалд шилжүүлж байлаа.

Энэ сарын эхээр Туск сошиал хуудсандаа “Украинтай жинхэнээсээ эв нэгдэлтэй байгаа бол бага ярьж, ахиухан сум илгээх хэрэгтэй” гэж бичиж байжээ.

Украинд үзүүлэх зэр зэвсгийн тусламжийн томоохон багц АНУ-ын Конгресст саатаад байгааг тэр бас хүчтэй шүүмжилдэг.

Туск “Шийдвэр гаргахад тань хэчнээн шалтгаан хэрэгтэй юм бэ?” хэмээн АНУ-ын Конгрессын төлөөлөгчдийн танхимын спикер Майк Жонсонд хандан бичиж байв.

Өчигдрийн ярилцлагадаа тэр энэ оны сүүлээр болох АНУ-ын ерөнхийлөгчийн сонгуулийн үр дүнгээс үл хамааран өөрийгөө хамгаалах чадвартай Европ тив Вашингтонд чухал хэрэгтэй түнш хэвээр байхыг онцолжээ.

Тиймээс Европын орнууд АНУ-ын хамгаалалтад найдалгүй, батлан хамгаалах салбарын зардлаа нэмэгдүүлэх ёстой гэж тэр үзэж байна. Ирэх хоёр жилийн хугацаа Украины дайнд шийдвэрлэх үүрэг гүйцэтгэх тул Европын орнуудад Киевийн засгийн газарт үзүүлэх тусламжаа яаравчлахыг Туск уриалжээ.

“Бид дэлхийн хоёрдугаар дайн дууссанаас хойших хамгийн эгзэгтэй цаг мөчид амьдарч байна. Нөхцөл байдал ямар ч хувилбараар эргэж болно. Ялангуяа залуу үеийнхэнд аймшигтай сонсогдож байж болох ч бид шинэ эринд сэтгэл зүйгээ дасгах ёстой. Дайны өмнөх шинэ эринд” гэж тэр хэлсэн юм.

Туск бас саяхан Москвад гарсан террорист халдлагад Киевийн эрх баригчдыг буруутгахыг оролдож буй ОХУ-ын ерөнхийлөгч Путинийг шүүмжилж, түүний гүтгэлгийг “Украины иргэний байгууламжуудад улам их цохилт өгөх шалтгаан” болгох зорилготой гэж хэлжээ.

2007-2014 онд Польшийн ерөнхий сайдаар ажиллаж байсан Дональд Туск өнгөрсөн оны арванхоёрдугаар сард дахин энэ албан тушаалдаа эргэж ирсэн юм.

Тэр бас Европын Зөвлөлийн ерөнхийлөгчөөр ажиллаж байжээ.

Туск одоо Польш улсыг Европын Холбоо болон НАТО-д улам илүү их үүрэг оролцоотой болгохыг хичээн ажиллаж байгаа.

Саяхан тэр сошиал хуудсандаа “Дайны дараах эрин үе өнгөрсөн. Бид одоо дайны өмнөх шинэ эрчин үед амьдарч байна. Тиймээс НАТО болон Европ, Америкийн эв нэгдэл урьд урьдынхаас илүү чухал болж байна” гэж мэдэгдэж байв.

Энэ долоо хоногт тэр бас Веймарын гурвалжин гэгддэг Польш, Герман, Францын хамтын ажиллагааны ач холбогдлыг онцолж байлаа.

 

Эх сурвалж: BBC

0
0
0
0
0
0
0

Сэтгэгдэл0

АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.

Санал асуулга

Та "Гадаадын хөрөнгө оруулалтын тухай хуулийг" дэмжиж байна уу?

Нийт санал:244

Видео

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Үндэсний баялгийн сангийн тухай хуулийн төслийг нэн яаралтай горимоор хэлэлцэж байна

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Ирэх намар будаа, ургацыг нь хэдэн төгрөгөөр авахаа ЗГ-аас тариаланчдад яаралтай зарлах хэрэгтэй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

Г.Дамдинням: Иргэд биднийг шуудай гурил, хивэг үүрээд 5, 10 кг будаа, гурил тараагаад яв гэж сонгоогүй

УИХ-ын дарга Г.Занданшатар Г.Дамдинням гишүүний талаар залруулга хийв

УИХ-ын дарга Г.Занданшатар Г.Дамдинням гишүүний талаар залруулга хийв

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Хөрөнгө оруулалтын тухай хуулийн шинэчилсэн найруулгын төслийг хэлэлцэж байна

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

Я.Содбаатар: Ерөнхийлөгчийг хятадаар ярьсан гэх бичлэгийг зохион байгуулалттайгаар хийж, түгээсэн хүмүүсийг олж тогтоосон

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

БИЧЛЭГ: Согтуугаар тээврийн хэрэгсэл жолоодож яваад хүн мөргөж, зугтсан этгээдийг илрүүлэв

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

УИХ: Үндсэн хуулийн нэмэлт өөрчлөлтийн хоёр дахь хэлэлцүүлгийг хийж байна

Зайсан тойруугийн зам нэг чигийн хөдөлгөөнтэй болно

Зайсан тойруугийн зам нэг чигийн хөдөлгөөнтэй болно

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ

"Утсаараа яриулаач" хэмээн тусламж хүсэж, тусгай программ суулган 350 сая төгрөг залилжээ