- Япон улсын хүн ам 2021 оны 4 дүгээр сарын 06-ны өдрийн байдлаар 126,180,983 байна (НҮБ-ын сүүлийн үеийн мэдээллээс).
- Токио-2020 наадмын онцлох тэмдэг нь “ Олон талт онцлог ялгаатай байдлын нэгдэл нягтрал ” гэсэн утгыг илэрхийлдэг бөгөөд тус наадмын үеэр дэлхий дахины онцлог ялгаатай, олон талт хэвшилт байдлыг нэгэн дээвэр дор нэгтгэх гэсэн үзэл санааг түгээх чин хүсэл эрмэлзэлтэй.
- Токио-2021 олимпыг “Cэргээн босголт , бүтээн байгуулалтын наадам” хэмээн нэрлэсэн нь 2011 онд болсон Японы зүүн талын хүчтэй газар хөдлөлтөд нэрвэгдсэн Тохокү бүс нутгийг бүх талаар дэмжих зорилготой байлаа.
- “Токио-2021” Олимпын наадам болох цэнгэлдэх хүрээлэнг 1964 оны Токиогийн олимпын наадмын суурин дээр шинээр бүтээн байгуулсан.
- Боксын тэмцээн болж буй "Кокүгикан арена" ордон нь сүмо бөхийн барилдааны ордон юм.
- Тамирчдын тосгонд 26,000 ширхэг ор зассан ба бүх орыг дахин боловсруулсан түүхий эдээр бүтээсан байна.
- Олимпын медалийг хуучин гар утсыг дахин боловсруулж 5000 ширхэгийг урласан бол медаль гардуулах ёслолын индэрийг 24.5 тонн хаягдал хуванцараар бүтээжээ.
- Олимпийн түүхэнд анх удаа Япон улсаар аялах олимпын бамбарыг ус төрөгчөөр цэнэглэн асааж байв.
- “Токио-2021” олимпын наадамд каратэ, спорт авиралт, сёрфинг, скейтбординг, софтбол / бейсбол гэсэн таван спортийн төрөл шинээр багтсан.
- Олимпын наадамд анх удаа скейтбоүрдийн төрөл багтаж, гудамжны бa паркийн гэсэн 2 ангилалд аваргаа тодруулна.
- Афин-2004 наадмаас хойш Ямайкийн домогт ойрын зайн гүйгч Усайн Болтгүй анхны Олимп болно.
- Арван хоёр настай Сирийн тамирчин Хенд Заза ширээний теннисний төрлөөр оролцож олимпын наадмын хамгийн залуу тамирчнаар тодорлоо.
- Орчин үеийн олимпийн жүдо бөхийг Хёого мужийн уугуул доктор Жигоро Кано үндэслэжээ.
- Япон улс нь 1964 онд анх удаа олимпын наадам зохион байгуулж, талбайн эзэд нийт 29 медаль хүртсэний 16 нь алтан медаль байжээ.
- Токио-2020 олимпын наадамд 11,000 гаруй тамирчид оролцож байна. Наадамд оролцогчдын 48% нь эмэгтэй тамирчдаар бүрдсэнээр түүхэндээ анх удаа хүйсийн тэгш тэнцвэрийг хамгийн өндөр үзүүлэлтэд хүргэсэн олимпоор тодорлоо.
Зургийг: www.dreamstime.com сайтаас
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.