Энэ удаагийн Токиогын зуны Олимпд Монгол Улсыг төлөөлөн барилдаж буй Ираны алдарт бөх Дэлхийн аварга Жудо халк хочит Сайед Моллайн талаар онцолж байна.
Ираны Засгийн газраас улс төрийн шалтгааны улмаас тамирчдаа Израилын бөхчүүдтэй барилдахыг хориглосон байв. Ираны тамирчид Израилын бөхчүүдтэй барилдахаас зайлсхийж, барилдсан тохиолдолд албаар ялагддаг болсон байлаа.
Моллаей Саеид 2019 оны дэлхийн аварга шалгаруулах тэмцээнд өмнөх амжилтаа батлах, хошой аварга болохын төлөө барилдсан юм. Тэрбээр тус тэмцээнд Риогийн олимпын аварга, ОХУ-ын Хасан Халмурзаев, ДАШТ-ий гурван медальтай, Канадын Антуан Валуа-Фортье нарыг цэвэр ялаад байв.
Гэвч түүнийг хагас шигшээд барилдахын өмнө Иран улсын спортын дэд сайд дасгалжуулагч уруу нь холбогдож Моллаей Саеидийг барилдуулахгүй байхыг үүрэгджээ. Учир нь хэрвээ дахин ялбал дэлхийн аваргын төлөө Израилийн Саги Мукитай өрсөлдөх нь тодорхой болоод байв. Хэрвээ хагас шигшээд ялбал гэр бүлийг нь дарамтална хэмээн сүрдүүлсэн аж.
Түүгээр ч үл барам түүнийг хагас шигшээд Бельгийн бөх Маттис Кассетэй барилдахын өмнө Япон улсад суух Ираны элчин сайдын яамны төлөөлөгч Моллаей Саеидтай уулзан, дахин анхааруулсан гэдэг. Энэ үеэр түүний гэр бүлийнхэн утсаар холбогдон, гэрийнх нь гадна хүмүүс цуглан, заналхийлж буйг хэлсэн гэнэ.
Хүнд байдалд орсон Моллаей Саеид Израилын бөхтэй барилдахгүйн тулд хагас шигшээд ялагдсанаас гадна хүрэл медалийн төлөөх барилдаанд Гүржийн бөхөд ч мөн ялагджээ.
ДАШТ-ий дараа Моллаей Саеид өөрийгөө 10 хувь л дайчилснаа ярьжээ. Тэмцээний дараа тэрээр нутаг буцалгүй буцалгүй Европ руу дүрвэсэн байна. Германд түр орогнож байхдаа Монгол Улсын иргэн болох хүсэлт гаргасан бөгөөд түүний хүсэлтийг ёсоор болгосон юм.
Алдарт тамирчин өнөөдөр Монгол улсын нэрийн өмнөөс Тив дэлхийн уралдаан тэмцээнд амжилттай оролцон Монголын далбааг намируулсаар байна.
Сэтгэгдэл0
АНХААР!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд said.mn хариуцлага хүлээхгүй.